LIGJI NR. 02/L-127 PËR NDRYSHIMIN DHE PLOTËSIMIN E LIGJIT PËR TRANSPORTIN RRUGOR NR. 2004/1

1 LIGJI NR. 02/L-127 PËR NDRYSHIMIN DHE PLOTËSIMIN E LIGJIT PËR TRANSPORTIN RRUGOR NR. 2004/1 Kuvendi i Kosovës, Në bazë të Kreut 5.1 (h) dhe 9.1.26 (a) të Kornizës Kushtetuese për Vetëqeverisje të Përkohshme në Kosovë, (Rregullorja e UNMIK-ut nr. 2001/9 e datës 15 maj 2001). Duke pasur parasysh nevojën për ndryshimin dhe plotësimin e Ligjit për Transportin Rrugor nr. 2004/1 për krijimin e kushteve që ligji të gjejë zbatueshmëri të plotë, Miraton: LIGJ PËR NDRYSHIMIN DHE PLOTËSIMIN E LIGJIT PËR TRANSPORTIN RRUGOR NR. 2004/1

Neni 1 Në tërë tekstin e Ligjit nr. 2004/1 për transportin rrugor, fjala “Transportuesi” zëvendësohet me fjalën“Operatori transportues” dhe fjala “Ministri” zëvendësohet me fjalën“Ministria”.

Neni 2

Neni 3, zëvendësohet si vijon: Termat që vlejnë vetëm për këtë ligj përkufizohen si vijon: “Ministria” nënkupton Ministrinë e Transportit dhe Postë-Telekomunikacionit. “Komunë” nënkupton njësinë themelore territoriale të vetëqeverisjes lokale në Kosovë, e përcaktuar sipas rregullores së UNMIKU-ut nr. 2000/45. “Rrugë publike” nënkupton auto-udhën, rrugën magjistrale dhe lokale me të drejtë të shfrytëzimit nga të gjithë shfrytëzuesit sipas kushteve të përcaktuara. ”Auto-taksi” nënkupton veprimtarin e transportit të udhëtarëve e cila ushtrohet nga personat fizik dhe juridik. “Stacion i autobusëve” nënkupton objektin me sipërfaqe përcjellëse të licencuar nga Ministria që të ofroj shërbime për operatorët e transportit dhe udhëtarët. ”Vend ndalje ” nënkupton sipërfaqen e ndërtuar dhe të shënjuar posaçërisht, e caktuar për ndaljen e autobusëve e që mundëson hyrjen, përkatësisht daljen e sigurt të udhëtarëve dhe bagazheve. “Transport bilateral” nënkupton transportin e udhëtarëve ose të mallrave ndërmjet Kosovës dhe shteteve të tjera. “Itinerar” nënkupton aktin i cili përcakton kahun e lëvizjes së automjeteve në linjë; “Lëshues i licencës” nënkupton organin i cili sipas dispozitave të këtij ligji është kompetent për lëshimin e licencës. “Certifikatë e automjetit” nënkupton dokumentin të cilin e lëshon organi kompetent për çdo automjet veç e veç dhe i cili përmban të dhënat për: lëshuesin e organit kompetent, operatorin e transportit, numrin e licencës, përkatësisht lejes, shenjën (targat) e regjistrimit, markën dhe tipin e automjetit, llojin e transportit që mund të kryhet, datën e lëshimit të certifikatës, vulën dhe nënshkrimin. 2 “Transport publik” nënkupton transportin të cilin në kushte të njëjta mund ta shfrytëzojnë të gjithë shfrytëzuesit e shërbimeve të transportit. “Transport publik linjor i udhëtarëve” nënkupton transportin i cili kryhet në relacionet e caktuara dhe sipas rendit të udhëtimit, çmimeve dhe kushteve të përgjithshme të transportit të përcaktuara paraprakisht. “Kabotazh” nënkupton secilin transport të udhëtarëve ose të mallrave ndërmjet pikave të veçanta në territorin e Kosovës të cilin e kryen operatori transportues i jashtëm. “Licencë” nënkupton aktin me të cilin lejohet ushtrimi i veprimtarisë së transportit rrugor të udhëtarëve ose mallrave. “Leje e transportit” nënkupton aktin e caktuar me këtë ligj ose me marrëveshje ndërkombëtare në bazë të të cilave kryhet transporti rrugor i udhëtarëve ose i mallrave. “Lejë e Konferencës Evropiane të Ministrave të Transportit (CEMT)” nënkupton lejen multilaterale për kryerjen e transportit rrugor ndërkombëtar të mallrave në territorin e shteteve anëtare të CEMT-it, me automjetet e regjistruara në një nga shtetet anëtare të CEMT-it. “Linjë” nënkupton relacionin ose tërësinë e relacioneve të kryerjes së transportit në komunikacionin rrugor, prej stacionit fillestar deri në stacionin, përkatësisht deri në vend ndaljen përfundimtare, në të cilën transportohen udhëtarët sipas rendit të udhëtimit të regjistruar dhe të publikuar me një ose me më shumë nisje. “Linjë ndërurbane” nënkupton linjën e cila zhvillohet në rrugët magjistrale dhe regjionale të Kosovës dhe që i lidhë dy apo më shumë Komuna. “Linjë ndërkombëtare” nënkupton linjën e cila stacionin fillestar e ka në territorin e Kosovës ndërsa atë përfundimtar jashtë territorit të Kosovës”. “Linjë urbane” nënkupton linjën e cila i lidh dy e më tepër stacione, gjegjësisht vend ndalje brenda kufijve urban të një Komune. “Linjë urbano-periferike” nënkupton linjën e cila i lidh dy e më tepër stacione, gjegjësisht vend ndalje brenda territorit të një Komune. “Linjë udhëtarësh” nënkupton linjën në të cilën kryhet transporti ndërmjet stacionit fillestar dhe përfundimtar, përkatësisht vend ndaljes së autobusëve me ndalje të obligueshme në të gjitha stacionet, përkatësisht vend ndaljet e autobusëve përgjatë rrugës së përcaktuar në rend të udhëtimit. “Linjë direkte” nënkupton linjën në të cilën kryhet transporti ndërmjet stacionit fillestar dhe përfundimtar të autobusëve, përkatësisht të vend ndaljes së autobusëve, e përcaktuar në rend të udhëtimit pa u ndalur nëpër vend ndalje përgjatë rrugës. “Linjë ekspres” nënkupton linjën në të cilën kryhet transporti ndërmjet stacionit fillestar dhe përfundimtar të autobusëve, përkatësisht vend ndaljes së autobusëve të përcaktuara në rend të udhëtimit duke u ndalur edhe në ndonjë stacion të rëndësishëm të autobusëve, përkatësisht në vend ndalje të autobusëve të përcaktuara në rend të udhëtimit. “Transport linjor ndër-urban” nënkupton transportin publik të udhëtarëve ndërmjet dy ose më tepër komunave, kurse mund të kryhet si transport linjor i udhëtarëve, ekspres ose direkt. “Marrëveshje ndërkombëtare” nënkupton çdo marrëveshje bilaterale ose multilaterale e cila e obligon Kosovën dhe e cila ka të bëjë me transportet në komunikacionin rrugor. “Transport në linja ndërkombëtare” nënkupton transportin publik të udhëtarëve ndërmjet Kosovës dhe shteteve të tjera. 3 “Udhëtar” nënkupton personi të cilin e transporton operatori i transportit me kompensim dhe i cili në bazë të kontratës ka të drejtë transporti. “Transport i veçantë linjor” nënkupton transportin e vetëm një numri të caktuar të udhëtarëve i cili kryhet në bazë të kontratës me shkrim ndërmjet operatorit të transportit dhe porositësit të transportit, me ç’ rast transportin e paguan porositësi. “Transport në komunikacionin rrugor” nënkupton çdo transport të udhëtarëve ose të mallrave, duke përfshirë edhe ngasjen e automjetit të zbrazët ose të pangarkuar. “Transport në komunikacionin e brendshëm rrugor” nënkupton transportin brenda territorit të Kosovës. “Transport në komunikacionin ndër-kombëtar rrugor” nënkupton transportin ndërmjet dy ose më shumë shteteve. “Transport nga ose për shtetet e treta” nënkupton transportin e mallrave ose të udhëtarëve të cilin e kryen operatori i transportit i cili nuk ka selinë/vendqëndrimin në shtetin në të cilin e fillon, përkatësisht e përfundon transportin. “Transport i lirë i rastit i udhëtarëve në komunikacionin rrugor” nënkupton transportin me të cilin një numër paraprakisht i caktuar i udhëtarëve transportohet sipas kushteve që janë dakorduar me kontratën ndërmjet operatorit të transportit dhe porositësit të transportit e i cili nuk është transport linjor publik, transport i veçant linjor, transport i lirë i kohëpaskohshëm. “Transport i lirë i kohëpaskohshëm i udhëtarëve në komunikacionin rrugor” nënkupton transportin me anë të të cilit, me një varg udhëtimesh të nisjes dhe të kthimit grupet e udhëtarëve të formuara paraprakisht transportohen nga e njëjta vendnisje deri në të njëjtin vend të destinacionit. Secili grup i cili ka kryer udhëtimin në nisje, kthehet ne vend nisje me të njëjtën ose me udhëtimet e mëvonshme të të njëjtit operator të transportit. “Transport për nevoja personale” nënkupton transportin e personave ose të mallrave të cilin e kryejnë pa kompensim personat fizikë ose juridikë, për t’i plotësuar nevojat e prodhimit ose të shërbimeve në kuadër të veprimtarive të veta. “Transport me qira dhe pagesë” nënkupton transportin e mallrave me automjet transportues apo tërësi të mjeteve të transportit të kryer me qëllime komerciale për personat tjerë fizik dhe juridik. “Operator i Transportit” nënkupton personin fizik ose juridik, vendor ose të jashtëm i cili posedon licencën për kryerjen e veprimtarisë së transportit në komunikacionin rrugor. “Fletudhëtim” nënkupton formularin e përcaktuar të cilin operatori i transportit duhet ta ketë gjatë kryerjes së transportit rrugor të lirë të udhëtarëve në transportin e brendshëm dhe në atë ndërkombëtar. “Fleturdhëresë e rrugës” nënkupton formularin e përcaktuar i cili përmban numrin e regjistrimit të autobusit me të cilin kryhet transporti linjor i udhëtarëve, emërtimin e linjës, kohën e fillimit dhe të mbarimit të udhëtimit, të dhënat për personelin e automjetit dhe drejtimin e qarkullimit të tij, nënshkrimin e personit të autorizuar për lëshimin e fletëurdhëresës së rrugës si dhe rubrikën për shënimin e arritjes dhe të nisjes nga stacioni i autobusëve ose nga vend ndalja e autobusëve në transportin linjor. “Relacion” nënkupton distancën ndërmjet dy vendeve të linjës të cilat në rend të udhëtimit janë shënuar si stacione të autobusëve, përkatësisht si vend ndalje të autobusëve. “Tërësi e mjeteve të transportit” nënkupton kombinimin e një mjeti tërheqës edhe të paktën një rimorkio ose gjysmë rimorkio. “Operator transportues i vendit” nënkupton personin fizik ose juridik me seli/vendqëndrim në Kosovë i cili posedon licencën për kryerjen e transportit ose kryen transporte për nevoja personale në përputhje me këtë ligj. 4 “Operator transportues i jashtëm” nënkupton personin fizik ose juridik i cili posedon licencën e shtetit të vet për kryerjen e transportit të udhëtarëve ose të mallrave ose i cili kryen transportin për nevoja personale, kurse selinë/vendqëndrimin e ka në shtetin tjetër. “Terminali i mallrave” nënkupton objektin me sipërfaqe përcjellëse i licencuar nga Ministria që të ofrojë shërbime për pranimin dhe përcjelljen e automjeteve transportuese të operatorëve transportues. “Fletëngarkesë” nënkupton aktin i cili shoqëron mallin dhe duhet të përmbajë: datën dhe vendin e lëshimit, emrin dhe mbiemrin ose emërtimin e dërguesit, pastaj adresën e tij, emrin dhe mbiemrin ose emërtimin e operatorit të transportit, shenjën e regjistrimit të automjetit, datën dhe vendin e ngarkimit të mallit, emrin dhe mbiemrin ose emërtimin e marrësit dhe vendin e shkarkimit, shënimin e sasisë dhe të llojit të ngarkesës, listën e dokumenteve që i bashkëngjiten fletëngarkesës, shpenzimet e transportit dhe shpenzimet e tjera. “Transport tranzit” nënkupton transportin e udhëtarëve ose të mallrave nëpër territorin e Kosovës pa hyrjen ose daljen e udhëtarëve, përkatësisht pa ngarkuar ose shkarkuar mallrat në Kosovë. “Rend i udhëtimit i harmonizuar” nënkupton rendin e udhëtimit të vërtetuar i cili ka kaluar procedurën e harmonizimit. “Drejtues i automjetit” nënkupton personin që ka fituar shkallën e nevojshme të kualifikimit për drejtimin e një mjeti motorik. “Rendi i udhëtimit” nënkupton aktin i cili përmban: emërtimin e operatorit të transportit, linjën në të cilën kryhet transporti, llojin e linjës, radhitjen e stacioneve të autobusëve, përkatësisht të vendaljeve të autobusëve, pastaj distancën nga vendi ku fillon linja, kohën e arritjes dhe të nisjes nga stacioni i autobusëve, përkatësisht në vendndaljet e autobusëve, regjimin e mbajtjes së linjës, periudhën brenda të cilës mbahet linja dhe afatin e vlefshmërisë së rendit të udhëtimit. “Tarifë” nënkupton aktin i cili përmban çmimin lidhur me kryerjen e shërbimeve dhe kushteve tjera transportuese. “Automjet i marrur me qira” nënkupton çdo mjet rrugor , i cili me pagesë dhe një periudhë të caktuar kohe mbahet nga një operator i transportit të cilin e përdorë për transport të udhëtarëve ose mallrave, duke pasur një kontratë qiraje me pronarin e automjetit. “CMR” nënkupton aktin që e shoqëron mallin në transportin rrugor ndërkombëtar.(Marrëveshja mbi kontratën për transportin rrugor të mallrave),

Neni 3

Neni 11, ndryshohet e plotësohet si vijon: Në nenin 11.1, fshihet fjalia “Miratimi i saj në emër të operatorit bëhet nga Ministri.”

Neni 11, paragrafi 4 zëvendësohet si vijon: “Ministria me akt nënligjor, përcakton kriteret për dhënien e licencës për ushtrimin e veprimtarisë së transportit rrugor të udhëtarëve, të mallrave, të udhëtarëve për nevoja personale, të transportit me qira dhe me pagesë, për hapësirën e dy e më tepër komunave.” Në nenin 11, pas paragrafit 4 shtohet paragraf i ri si vijon: “11.5 Komuna me akt nënligjor përcakton kriteret për dhënien e licencës për ushtrimin e veprimtarisë së transportit rrugor si dhe të transportit për nevoja personale me peshë bartëse prej 3.5 deri 12 tonë në territorin e komunës së saj.”

Neni 4

Neni 12 zëvendësohet si vijon: 5 12.1 Licenca, leja për transportin rrugor të udhëtarëve dhe të mallrave jepet kundrejt pagesës. 12.2 Tarifat e çmimit për licencim apo leje për transportin rrugor përcaktohen nga Ministria për Transport e Telekomunikacion ose nga Komuna varësisht nga kompetenca, në pajtim me nenin 3 të këtij ligji, në bashkëpunim me Ministrinë për Ekonomi e Financa.

Neni 5 Në nenin 13, pas pikës b) shtohet një pikë re si vijon: “c) një regjistër dhe një kopje të certifikatave të autobusëve dhe automjeteve transportuese në emër të operatorëve transportues të udhëtarëve dhe mallrave.”

Neni 6 Në nenin 14, paragrafi, 2 pika a) dhe paragrafin 3, fshihet fjala “të rregullt.”

Neni 7

Neni 16, zëvendësohet si vijon: “Ministria me akt nënligjor, përcakton formën dhe përmbajtjen e licencës, të lejes së transportit, të certifikatës së automjetit, të fletë urdhëresë së rrugës, të fletudhëtimit, të fletëngarkesës, të tarifës së çmimit, të procedurës së lëshuarjës së tyre si dhe mënyrën e mbajtjes së evidencës për të gjitha llojet e transportit rrugor të udhëtarëve dhe mallrave.”

Neni 8 Në nenin 17, paragrafi 1, pika b), fjala “dhënies” zëvendësohet me fjalën “vlefshmërisë”.

Neni 9

Neni 18, ndryshohet si vijon: Në paragrafin 1, pas pikës c) shtohet pika d): “Transport i udhëtarëve për nevoja personale.” Në paragrafin 2, pikat a, b dhe c zëvendësohen: a) Transport brenda territorit të Kosovës; b) Transport jashtë territorit të Kosovës; c) Transport për qasje dhe kalim transit nëpër territorin e Kosovës. Paragrafi 3, zëvendësohet “Transporti i lirë i udhëtarëve me autobus ushtrohet : a ) Transport brenda territorit të Kosovës; b ) Transport jashtë territorit të Kosovës; c) Transport për qasje dhe kalim transit nëpër territorin e Kosovës.”

Neni 10

Neni 19 ndryshohet e plotësohet si vijon: 19.1. Ministria është përgjegjëse për koordinimin dhe rregullimin e: a) Transportit të udhëtarëve brenda territorit të Kosovës; b) Transportit të udhëtarëve jashtë territorit të Kosovës; c) Transportit të udhëtarëve për qasje dhe kalim transit nëpër territorin e Kosovës. 6 19.2. Komuna është përgjegjëse për koordinimin dhe rregullimin e transportit brenda territorit të saj, si vijon: a) Transportin e rregullt të udhëtarëve; b) Transportin e lirë të udhëtarëve; c) Transportin taksi të udhëtarëve; d) Transportin e udhëtarëve për nevoja personale.

Neni 11

Neni 20 ndryshohet si vijon: “Ministria, sipas nevojës mund të themelojë në kuadër të Departamentit për Transportin rrugor, një njësi përgjegjëse me më së shumti prej tre nëpunësve për koordinimin e transportimit të udhëtarëve me autobus. Përbërjen , të drejtat dhe obligimet i përcakton Ministria me akt të veçantë juridik.”

Neni 12

Neni 21, ndryshohet si vijon: Paragrafi 2 zëvendësohet ”Transporti i rregullt i udhëtarëve brenda territorit të Kosovës mund të ushtrohet edhe si transport direkt dhe ekspres. Paragrafët: 3, 4 dhe 5 fshihen.”

Neni 13

Neni 22 ndryshohet si vijon: Paragrafi 1, zëvendësohet “Transporti i rregullt i udhëtarëve me autobus brenda territorit të Kosovës mund të ushtrohet si: a) Transport urban; b) Transport urbano-periferik; c) Transport ndërurban dhe d) Transport i veçantë i udhëtarëve. Në paragrafin 2, pas fjalës “urban” shtohen fjalët “ dhe urbano-periferik.” Në paragrafin 3, pas fjalës “urban” shtohen fjalët “ dhe urbano-periferik .” Paragrafi 6, fshihet.

Neni 14 Në nenin 24, pas paragrafit 3, shtohet paragrafi 4 si vijon: “Operatori i transportit është i detyruar që në autobus të ketë fletëurdhëresën e rrugës e cila duhet të jetë e nënshkruar nga personi përgjegjës për gjendje teknike të automjetit.”

Neni 15

Neni 29, ndryshohet si vijon: Në paragrafin 1, pas fjalës “çdo udhëtar” fshihet fjala “ në autobus” 7 Në paragrafin 2, fjala “kompanisë” zëvendësohet me fjalët “operatorit të transportit.”

Neni 16

Neni 30, ndryshohet e plotësohet si vijon: Paragrafi 1, pika 1, ndryshohet si vijon: “nxënësve dhe studentëve nga vendbanimi deri të destinacioni dhe anasjelltas. Në paragrafin 1, pas pikës 2 shtohet një pikë e re: ”-invalidëve dhe personave me përkujdesje të veçantë.” Pas paragrafit 6 shtohet një paragrafi i ri: “Operatori i transportit është i detyruar që të gjithë udhëtarët e cekur në nenin 30.1, t’i pajisë me kartelë identifikimi.”

Neni 17 Në nenin 34, paragrafi 2, para fjalës “kohëpaskohshëm” shtohen fjalët “ rastit dhe.”

Neni 18

Neni 35, ndryshohet e plotësohet si vijon: Në nenin 35, shtohet numri 35.1, në fillim të nenit, fjala “kohëpaskohshëm” zëvendësohet me fjalën “rastit” Pika d), fshihet, pika e) ndryshohet dhe bëhet pikë d): ” transportet tjera të rastit” Shtohet një paragraf i ri:”

Neni 35.2. Transport i kohëpaskohshëm në pajtim me këtë ligj, është: a) transporti i grupeve të udhëtarëve të organizuara paraprakisht në shumë udhëtime nga vendnisja e njëjtë e deri te vendarritja e njëjtë; b) çdo grup udhëtarësh i cili ka bërë një udhëtim në shkuarje, kthehet në vendnisje me ndonjë ngasje të mëvonshme automjeti; c) udhëtimi i parë në kthim dhe i fundit në shkuarje, duhet të bëhet me automjet të zbrazët; d) transportet e tjera të kohëpaskohshme.”

Neni 19 Në nenin 36, paragrafi 1 fjalët “nën (b) (c) (d) dhe (e)” zëvendësohen me fjalët “për të gjitha llojet e transportit.”

Neni 20

Neni 37, ndryshohet e plotësohet si vijon: Në paragrafin 2 fjalët “shërbim doganor i Kosovës” zëvendësohen me fjalët “organet kompetente kufitare” Pas paragrafit 2, shtohen dy paragraf të ri: “37.3. Librin e fletudhëtimeve për operatorin transportues vendor e lëshon Ministria nëse me marrëveshje ndërkombëtare nuk është caktuar ndryshe. 37.4. Ministria me akt nënligjor përcakton kushtet, procedurën dhe tarifat për lëshuarjen e librit të fletudhëtimit.” 8

Neni 21

Neni 39, ndryshohet e plotësohet si vijon: Në paragrafin 3, fjalës rimorkio i shtohet fjala “ose gjysmë rimorkio.” Pas paragrafit 3, shtohet një paragraf i ri: “39.4. Transporti “auto-taksi”, është i ndaluar në territorin e Kosovës nga operatorë transportues “auto-taksi” të një shteti tjetër, nëse me marrëveshje ndërkombëtare nuk është përcaktuar ndryshe.”

Neni 22

Neni 42, ndryshohet e plotësohet si vijon: Teksti ekzistues i nenit 42 bëhet paragrafi i parë “42.1” dhe shtohen dy paragrafë të ri: “42.2. Transporti “Auto-taksi” zhvillohet brenda territorit të komunës në të cilën është i regjistruar për ushtrimin e veprimtarisë taksi, transporti “Auto-taksi” mund të kryhet edhe jashtë territorit të komunës, në qoftë se transporti fillon në territorin e komunës në të cilën është i licencuar. 42.3. Transporti i udhëtarëve me taksi në linjë të rregullt është i ndaluar.”

Neni 23

Neni 43, ndryshohet si vijon: “Paragrafi 1. ndryshohet: Transportimin e udhëtarëve për nevoja personale mund ta ushtrojë personi juridik apo fizik në funksion të veprimtarisë së vet të regjistruar, pa qëllime komerciale. Në paragrafin 2, ndryshohet fjalia e parë: Transportimin e udhëtarëve për nevoja personale brenda dhe jashtë Kosovës, sipas lejes së lëshuar nga Ministria ose komuna, sipas kompetencës e ushtrojnë: Pas paragrafit 2, shtohet një paragraf: Automjeti me të cilin kryhet transporti i udhëtarëve për nevoja personale duhet të jetë në pronësi të personit fizik apo juridik.”

Neni 24

Neni 50, ndryshohet e plotësohet si vijon: Paragrafi 2, fjala “evidencën” zëvendësohet me fjalët “librin e evidencës”. Pas paragrafit 2 shtohet një paragraf: “ 50.3 Formën, përmbajtjen dhe mënyrën e mbajtjes së librit të evidencës e përcakton Ministria me akt nënligjor”.

Neni 25 Në neni 54 fshihet numri “54.2”, në pikën b) pas fjalës “fletëngarkesë” shtohet fjala “CMR”

Neni 26 Në nenin 57 fjala “shpërndarjen” zëvendësohet me fjalën “marrjen”.

Neni 27 9 Në nenin 64, paragrafi 3 fshihet.

Neni 28 Në nenin 65, pas paragrafit 2 shtohet një paragraf si vijon: “65.3. Operatori i transportit i cili posedon licencë për transport të mallrave për nevoja personale sipas nenit 53, paragrafi 1, pika a) nuk ka të drejtë të aplikoj për tu pajisur me leje CEMT.”

Neni 29 Në nenin 66, pika a), pas fjalës “fletëngarkesën” fshihet lidhësja “dhe” dhe pas pikës b) shtohet pika “c) fletëurdhëresën e rrugës”.

Neni 30 Në nenin 67, paragrafi 2, pika a), pas fjalës “fletëngarkesën” fshihet lidhësja “dhe” dhe pas pikës b) shtohet pika “c) fletëurdhëresën e rrugës”.

Neni 31 Në nenet 79 dhe 80, fjalët “Organet e kontrollit të shërbimit doganor” zëvendësohen me fjalët “Autoriteti kompetent kufitar i kufijve administrativ”.

Neni 32

Neni 83, zëvendësohet si vijon: 83.1. Personi juridik për shkelje administrative dënohet me gjobë prej 500 deri 4.000 euro nëse: a) vepron në kundërshtim me nenin 8; b) vepron në kundërshtim me nenin 11 ( paragrafi 1,2 dhe 3);. c) vepron në kundërshtim me nenin 14 ( paragrafi 1 dhe 2); d) vepron në kundërshtim me nenin 14 ( paragrafi 3); e) vepron në kundërshtim me nenin 30 ( paragrafi 1); f) vepron në kundërshtim me nenin 32 ( paragrafi 4); g) vepron në kundërshtim me nenin 36 ( paragrafi 1); h) vepron në kundërshtim me nenin 39 ( paragrafi 4); i) vepron në kundërshtim me nenin 49; j) vepron në kundërshtim me nenin 50; k) vepron në kundërshtim me nenin 54; l) vepron në kundërshtim me nenin 55 (paragrafi 1); m) vepron në kundërshtim me nenin 56 ( paragrafi 1); n) vepron në kundërshtim me nenin 59; o) vepron në kundërshtim me nenin 60 ( paragrafi 1); p) vepron në kundërshtim me nenin 73. 83.2. Personi përgjegjës apo personi fizik i personit juridik për shkelje administrative sipas paragrafit 1 të këtij neni, dënohet me gjobë prej 300 deri 3.500 euro. 83.3. Personit juridik, për përsëritje të shkeljes administrative sipas paragrafit 1 i këtij neni, përveç dënimit me gjobë sipas paragrafit 2 të këtij neni, mund t’i shqiptohet edhe masa mbrojtëse e ndalimit të ushtrimit të veprimtarisë së transportit rrugor në kohëzgjatje prej 6 deri 12 muaj. 10

Neni 33 Nenit 84, zëvendësohet si vijon: 84.1 Personi juridik për shkelje administrative dënohet me gjobë prej 300 deri 3.500 euro nëse: a) vepron në kundërshtim me nenin 21 (paragrafi 1); b) vepron në kundërshtim me nenin 24 (paragrafi 1,3 dhe4);. c) vepron në kundërshtim me nenin 25 (paragrafi 1,3 dhe 4); d) vepron në kundërshtim me nenin 26 (paragrafi 1 dhe 3); e) vepron në kundërshtim me nenin 27 (paragrafi 4); f) vepron në kundërshtim me nenin 28 (paragrafi 1 dhe 2); g) vepron në kundërshtim me nenin 29 (paragrafi 1 dhe 2); h) vepron në kundërshtim me nenin 30 (paragrafi 6 dh 7); i) vepron në kundërshtim me nenin 37 (paragrafi 1 dhe 2); j) vepron në kundërshtim me nenin 38; k) vepron në kundërshtim me nenin 39; l) vepron në kundërshtim me nenin 40; m) vepron në kundërshtim me nenin 42 (paragrafi 1, 2 dhe 3); n) vepron në kundërshtim me nenin 44; o) vepron në kundërshtim me nenin 45; p) vepron në kundërshtim me nenin 47 (paragrafi 2); q) vepron në kundërshtim me nenin 48 (paragrafi 3 dhe 5); r) vepron në kundërshtim me nenin 51; s) vepron në kundërshtim me nenin 63 (paragrafi 2); t) vepron në kundërshtim me nenin 64 (paragrafi1); u) vepron në kundërshtim me nenin 66 v) vepron në kundërshtim me nenin 67; z) vepron në kundërshtim me nenin 68 (paragrafi 2). 84.2 Personi përgjegjës apo personi fizik i personit juridik për shkelje administrative sipas paragrafit 1 të këtij neni dënohet me gjobë prej 200 deri 2.500 euro. 84.3 Personit juridik, për përsëritje të shkeljes administrative sipas paragrafit 1 të këtij neni, përveç dënimit me gjobë, mund t’i shqiptohet edhe masa mbrojtëse e ndalimit të ushtrimit të veprimtarisë së transportit rrugor në kohë zgjatje prej 6 deri 12 muaj.

Neni 34 Në kreun VI, dispozitat kalimtare dhe përfundimtare, shtohet neni i ri si vijon: “Të gjithë operatorëve të transportit urban të udhëtarëve dhe operatorëve të transportit të mallrave për nevoja personale me peshë bartëse prej 3.5 – 12 tonë, të licencuar nga Ministria, licenca ju vlen deri në skadimin e afatit të licencës, për vazhdimin e ushtrimit të këtyre llojeve të transportit do të licencohen në bazë të nenit 3 të këtij ligji.”

Neni 35 Ky Ligj hynë në fuqi pas miratimit nga Kuvendi i Kosovës dhe shpalljes nga Përfaqësuesi Special i Sekretarit të Përgjithshëm. UNMIK/REG/2007/35 19.12.2007