LIGJI NR. 03/L-001 PËR PЁRFITIMIN E ISH ZYRTARЁVE TЁ LARTЁ

1 GAZETA ZYRTARE E REPUBLIKËS SË KOSOVËS / PRISHTINË: VITI III / Nr. 33 / 15 KORRIK 2008 LIGJI NR. 03/L-001 PËR PЁRFITIMIN E ISH ZYRTARЁVE TЁ LARTЁ Kuvendi i Republikës së Kosovës, Në bazë të nenit 65, pika (1) të Kushtetutës së Republikës së Kosovës, Me qëllim të krijimit të bazës ligjore që i rregullon përfitimet e ish-zyrtarëve të lartë, Miraton këtë LIGJ PËR PЁRFITIMIN E ISH ZYRTARЁVE TЁ LARTЁ

Neni 1 Qëllimi i Ligjit Me këtë ligj përcaktohen kriteret sipas të cilave saktësohet se cilët persona konsiderohen ish-funksionarë të lartë në Kosovë, të drejtat që u takojnë në bazë të funksionit të ushtruar me parë dhe procedura e realizimit të këtyre të drejtave.

Neni 2 Përkufizimet Fjalët dhe shprehjet e mëposhtme, kur përdoren në këtë ligj, i kanë kuptimet si vijon: “Përfitim” nënkupton pagesë monetare që i takon ish-zyrtarit të lartë nga Buxheti i Republikës së Kosovës; “Një ish Zyrtar i Lartë” sipas këtij ligji Ish-funksionarë të lartë të Republikës së Kosovës konsiderohen: ish-Kryetari i Kuvendit, ish-Kryeministri dhe ish Kryetari i Gjykatës Supreme; “Institucion Përgjegjës” nënkupton Zyrën e Kryeministrit të Kosovës, Kuvendin e Kosovës, ose Gjykatën Supreme të Kosovës.

Neni 3 Përfitimi Monetar, Personeli mbështetës, dhe Hapësirë Zyre 3.1 Ish-funksionarët e lartë që kanë ushtruar së paku gjashtë muaj njërin nga funksionet e përcaktuara në nenin 2 pika 3 të këtij ligji, e fitojnë statusin e ish-funksionarit të lartë për të realizuar pagë mujore në lartësi prej 70% të pagës aktuale të funksionit përkatës. 3.2 Ish-funksionarit të lartë nuk i takon përfitimi i përcaktuar me këtë ligj nëse gjatë ushtrimit të funksionit është shpallur fajtor me vendimin e formës së prerë të gjykatës për vepër penale të dënueshme me burgim mbi gjashtë muaj. 3.3 Një përfitim i tillë nuk paguhet nëse ish Zyrtari i Lartë ushtron ndonjë funksion për të cilin paguhet nga Buxheti Konsoliduar i Kosovës dhe për të cilin është përcaktuar një pagë e barabartë ose më e lartë se paga që ka marrë gjatë ushtrimit të funksionit në krye të Institucionit Përgjegjës. 3.4 Pavarësisht nga ligjet e shërbimit civil, institucioni përgjegjës i siguron ish-funksionarit të lartë një asistent të lartë, vozitësin dhe një truprojë. 2 3.5 Personat e punësuar nga paragrafi 3.4 zgjidhen nga ish Zyrtari i Lartë dhe janë përgjegjës vetëm para tij për kryerjen e detyrave të tyre. 3.6 Stafi i ish-funksionarit të lartë paguhet sipas rregullave të shërbimit civil në fuqi. 3.7 Një Institucion Përgjegjës siguron për secilin ish Zyrtar të Lartë një hapësirë të përshtatshme zyre të mobiluar dhe të pajisur. Shpenzimet e komunikimit (p.sh: telefoni, interneti) nuk kalojnë shumën 1200 € në vit. 3.8 E veja ose i veu dhe fëmijët nën moshën 18 vjeçare të secilit ish Zyrtar të Lartë kanë të drejtë të marrin një përfitim monetar në një vlerë vjetore prej 60 % të përfitimit të saktësuar në paragrafin 1 të këtij neni, e paguar për çdo muaj nga Institucioni Përgjegjës përkatës gjatë periudhës së saktësuar në paragrafin 1 të këtij neni. Përfitimi monetar i kësaj të veje ose të veu ose fëmijëve nën moshën 18 vjeçare: a) fillon në ditën pas vdekjes së ish Zyrtarit të Lartë; b) mbaron në ditën e fundit të muajit nëse kjo e vejë ose i veu ose fëmijët nën moshën 18 vjeçare: i) vdesin; ose ii) martohen sërish.

Neni 4 Mbrojtja Ish-funksionari i lartë, për 1 (një) vit kalendarik, pasi ta ketë pushuar së ushtruari funksionin, ka të drejtë të kërkojë mbrojtje në pajtim me ligjin.

Neni 5 Procedura për marrjen e përfitimit 5.1 Procedurën për realizimin e të drejtave konformë neneve 3.1, 3.4, 3.6 dhe nenit 4 të këtij ligji për ish- funksionarët e lartë e zhvillon institucioni përkatës në atë mënyrë që ish-funksionari i lartë që nga dita e parë e pushimit së ushtruari detyrën e funksionarit të lartë, të mund të fillojë me shfrytëzimin e këtyre të drejtave. 5.2 Mosparaqitja e një kërkese me shkrim brenda 60 (gjashtëdhjetë) ditëve kalendarike pas pushimit të të ushtruarit të funksionit konsiderohet si heqje dorë nga çfarëdo përfitimi i ofruar sipas këtij ligji. 5.3 Institucioni përgjegjës i dërgon ish Zyrtarit të Lartë ose të vesë/veut ose fëmijëve nën moshën 18 vjeçare vendimin brenda 30 (tridhjetë) ditëve pas pranimit të kërkesës me shkrim.

Neni 6 Ankimi 6.1 Nëse ish-funksionari i lartë ose e veja/i veji, ose fëmijët e tij nën moshën 18-vjeç, nuk pajtohen me vendimin e institucionit përkatës lidhur me të drejtat e nenit 3 dhe 4 të këtij ligji, kanë të drejtë që institucionit përkatës, në afatin prej 30 ditësh nga dita e pranimit të vendimit, të paraqesin ankesë. 6.2 Institucioni përkatës është i obliguar të vendosë sipas ankesës dhe t’ia dërgojë vendimin ankuesit në afatin prej 30 ditësh. 6.3 Kundër këtij vendimi ish -funksionari i lartë, e veja/i veji dhe fëmijët nën moshën 18-vjeç, mund ta iniciojnë procedurën në gjykatën kompetente. 6.4 Çfarëdo përftimi i paraparë sipas këtij ligji nuk paguhet në rast se ish Zyrtari i Lartë me vendim të formës së prerë nga ndonjë gjykatë është shpallur fajtor për një vepër penale të kryer gjatë kohës së tij/saj në Institucionin Përgjegjës, ose gjatë periudhës së marrjes së përfitimeve të parapara me këtë ligj. 3

Neni 7 Ish-funksionarët e lartë ftohen në solemnitete dhe në manifestime shtetërore sipas rregullave të përcaktuara.

Neni 8 Në rast të vdekjes së ish-funksionarit të lartë, varrimi i tij bëhet me ceremoni shtetërore dhe shpenzimet e varrimit i bart institucioni përkatës, nëse nuk ka porosi tjetër nga i ndjeri ose kërkesë tjetër nga familja e tij.

Neni 9 Taksimi Çdo përfitim i ofruar sipas këtij ligji një ish Zyrtari të Lartë ose një të veje/veu ose fëmijëve nën moshën 18 vjeçare do të konsiderohet si e ardhur personale e tatueshme në pajtim me ligjin në fuqi.

Neni 10 Hyrja në fuqi 10.1 Me hyrjen në fuqi të këtij ligji shfuqizohen të gjitha aktet që e rregullojnë këtë fushë. 10.2 Ky ligj hyn në fuqi pesëmbëdhjetë (15) ditë nga dita e publikimit në Gazetën Zyrtare të Republikës së Kosovës. Ligji Nr. 03/ L-001 19 Qershor 2008 Shpallur me dekretin nr. DL-044-2008, datë 02.07.2008 nga Presidenti i Republikës së Kosovës, Dr. Fatmir Sejdiu.