LIGJI NR.03/L-002 PËR PLOTËSIMIN DHE NDRYSHIMIN E KODIT TË PËRKOHSHËM PENAL TË KOSOVËS

GAZETA ZYRTARE E REPUBLIKËS SË KOSOVËS / PRISHTINË: VITI III / Nr. 44 / 22 DHJETOR 2008 LIGJI Nr. 03/L-002 PËR PLOTËSIMIN DHE NDRYSHIMIN E KODIT TË PËRKOHSHËM PENAL TË KOSOVËS Kuvendi i Republikës së Kosovës, Në mbështetje të nenit 65 (1) të Kushtetutës së Republikës së Kosovës; Me qëllim të krijimit të kushteve më të favorshme dhe shtimin e efikasitetit të punës në Gjykata dhe Prokurori në Kosovë, në përputhje me standardet evropiane dhe ndërkombëtare, Miraton LIGJ PËR PLOTËSIMIN DHE NDRYSHIMIN E KODIT TË PËRKOHSHËM PENAL TË KOSOVËS

Neni 1 Në titullin e Kodit të Përkohshëm Penal të Kosovës dhe në tërë tekstin e këtij kodi fjalia Kodi i Përkohshëm Penal i Kosovës zëvendësohet me fjalinë Kodi Penal i Kosovës.

Neni 2

Neni 66 i Kodit të Përkohshëm Penal të Kosovës, plotësohet me një paragraf të ri si në vijim: 3) Kur kryesi të ketë pranuar fajësinë në përputhje me kushtet e marrëveshjes mbi pranimin e fajësisë të pranuar nga gjykata bazuar në nenin 6, (lidhur me nenin 308 A paragrafi 12) të Ligjit nr. 03/L-003 për ndryshimin dhe plotësimin e Kodit të Përkohshëm të Procedurës Penale të Kosovës nr. 2003/26 dhe marrëveshja mbi pranimin e fajësisë në formë të shkruar përmban klauzolën me të cilën parasheh zbutjen e dënimit, gjykata do të shqiptojë një dënim më të butë. Në rast të tillë, gjykata duhet të merr parasysh vështrimet e prokurorit, mbrojtësit, të akuzuarit dhe palës së dëmtuar sa i përket zbutjes së dënimit, dhe do të udhëzohet por jo detyrohet nga kufizimet e dhëna me nenin 67 të këtij Kodi.

Neni 3 Ky ligji hyn në fuqi pesëmbëdhjetë (15) ditë pas publikimit në Gazetën Zyrtare të Republikës së Kosovës. Ligji Nr. 03/ L-002 6 Nëntor 2008 Shpallur me dekretin Nr. DL- 059- 2008, datë 27.11.2008 nga Presidenti i Republikës së Kosovës, Dr. Fatmir Sejdiu.