LIGJI NR.03/L-092PËR NDRYSHIMIN DHE PLOTËSIMIN E LIGJIT NR. 02/L-20 PËR KËRKESAT TEKNIKE PËR PRODUKTE DHE VLERËSIM TË KONFORMITETIT

1 GAZETA ZYRTARE E REPUBLIKËS SË KOSOVËS / PRISHTINË: VITI IV / Nr. 49 / 25 MARS 2009 LIGJI Nr. 03/L-092 PËR NDRYSHIMIN DHE PLOTËSIMIN E LIGJIT NR. 02/L-20 PËR KËRKESAT TEKNIKE PËR PRODUKTE DHE VLERËSIM TË KONFORMITETIT Kuvendi i Republikës së Kosovës, Në mbështetje të nenit 65 (1) të Kushtetutës së Republikës së Kosovës; Duke pasur parasysh kërkesën për ndryshimin dhe plotësimin e Ligjit Nr. 02/L-20 Për kërkesat teknike për produkte dhe vlerësim të konformitetit më qëllim të krijimit të kushteve që ligji të gjejë zbatueshmëri të plotë, Miraton LIGJ PËR NDRYSHIMIN DHE PLOTËSIMIN E LIGJIT NR. 02/L-20 PËR KËRKESAT TEKNIKE PËR PRODUKTE DHE VLERËSIM TË KONFORMITETIT

Neni 1 Në nenin 1 të ligjit pika (v), fjalët “të autorizuara” hiqen dhe zëvendësohen me fjalën “kompetente”.

Neni 2 Në nenin 3 të ligjit, pas pikës (xi) shtohen këto përkufizime si vijon: “Importues” është çdo person fizik ose person juridik i regjistruar në Republikën e Kosovës, i cili prodhimet nga vendet e tjera i plason në tregun e territorit të Republikës së Kosovës. “Standard evropian” është një dokument vullnetar, i hartuar me konsensus dhe i miratuar nga një organizëm i njohur standardizimi, i cili ofron për përdorim të përbashkët dhe të përsëritur, rregulla, udhëzime apo karakteristika për aktivitete apo rezultatet e tyre me qëllim të arritjes së një shkalle optimale rregulli në një kontekst të dhënë. Në nenin 3 të ligjit pika (x) ndryshohet dhe plotësohet teksti si vijon: “Organi për vlerësimin e konformitetit” për prodhuesin, përfaqësuesin e tij të autorizuar dhe importuesin, nënkupton laboratorin e pavarur, organin e certifikuar, organin mbikëqyrës ose organin tjetër që bashkëvepron në procedurën e vlerësimit të konformitetit.

Neni 3 Në nenin 6 të ligjit pika (ii) ndryshohet dhe plotësohet teksti si vijon: (ii) Nxjerr apo siguron deklaratën e konformitetit, raportin e testimit si dhe certifikatën e konformitetit (në tekstin e mëtejmë: dokumentin për konformitetin).

Neni 4 Paragrafit 1 të nenit 7 i shtohet teksti në vijim: Në rastet ku shënjimi i produktit nuk është i mundur për shkak të natyrës së tij, shenja e konformitetit duhet të vendoset në paketim dhe në dokumentet përcjellëse, kur kjo kërkohet me kërkesat teknike. 2

Neni 5 Në paragrafin 2 të nenit 8 hiqen pikat “(i), (ii), (iii) dhe (iv)”, shtohet teksti me pikat si vijon: (i) Vlerësimi i konformitetit në kushte të specifikuara, i kryer nga prodhuesi; (ii) Vlerësimi i konformitetit të një mostre të produktit i kryer nga organi për vlerësimin e konformitetit; (iii) Vlerësimi i konformitetit nëpërmjet të cilit organi për vlerësimin konformitetit ekzaminon; karakteristikat e produktit dhe verifikon me zgjedhje, sipas rastit, përputhjen e produkteve me kërkesat e përcaktuara; (iv) Vlerësimi nga një organ për vlerësimin e konformitetit i sistemit të cilësisë së prodhimit ose të komponentëve të tij në ndërmarrje dhe kryerjen e mbikëqyrjes për funksionimin e duhur të sistemit; (v) Verifikimi i përputhshmërisë së produkteve me një tip produkti të certifikuar, ose me kërkesat e specifikuara, të cilat janë kryer nga prodhuesi, përfaqësuesi i tij i autorizuar, personi që vendos produktin në treg apo në shërbim ose nga një organ për vlerësimin e konformitetit për çdo produkt ose për një mostër të përzgjedhur statistikisht; (vi) Verifikimi nga një organ për vlerësimin e konformitetit për përputhshmërinë e çdo produkti me kërkesat e përcaktuara; (vii) Mbikëqyrja nga një organ për vlerësimin e konformitetitit dhe të funksionimit të duhur të sistemit të cilësisë në ndërmarrje dhe nëse është e nevojshme, vlerësimin e konformitetit të produktit me kërkesat e rregullave teknike në fazën e projektimit; (viii) Vlerësimin e aktiviteteve lidhur me prodhimin e produkteve; (ix) Procedura të tjera të vlerësimit të konformitetit, nëse është e nevojshme, duke përfshire aktivitetet e një organi të akredituar ose të një personi tjetër.

Neni 6 Në nenin 10 pika (vi) pas tekstit ekzistues shtohet teksti si vijon: Në pajtim me rregullat teknike dhe / ose rregullat e tjera që janë në fuqi.

Neni 7 Në paragrafin 1 të nenit 16 shuma prej “1.000€ deri 5.000€” zëvendësohet me shumën “3.000€ deri 5.000€”, ndërsa shuma prej “250€ deri 500€” zëvendësohet me shumën “500€ deri 1500€”. Në paragrafin 2 të nenit 16 shuma prej “100€ deri 300€” zëvendësohet me shumën prej “500€ deri 1000€”.

Neni 8 Ky ligj hyn në fuqi pesëmbëdhjetë ditë (15) pas publikimit në Gazetën Zyrtare të Republikës së Kosovës. Ligji Nr. 03/ L-092 12 shkurt 2009 Shpallur me dekretin Nr. DL-005-2009, datë 06.03.2009 nga Presidenti i Republikës së Kosovës, Dr. Fatmir Sejdiu.