LIGJI NR.03/L-158 PËR NDRYSHIMIN DHE PLOTËSIMIN E LIGJIT NR.2003/17 PËR PROKURIMIN PUBLIK TË NDRYSHUAR ME LIGJIN NR. 02/L-99

1 GAZETA ZYRTARE E REPUBLIKËS SË KOSOVËS / PRISHTINË: VITI IV / Nr. 58 / 10 GUSHT 2009 Ligji Nr. 03/L-158 PËR NDRYSHIMIN DHE PLOTËSIMIN E LIGJIT NR. 2003/17 PËR PROKURIMIN PUBLIK TË NDRYSHUAR ME LIGJIN NR. 02/ L-99 Kuvendi i Republikës së Kosovës; Në mbështetje të nenit 65 (1) të Kushtetutës së Republikës së Kosovës, Miraton: LIGJ PËR NDRYSHIMIN DHE PLOTËSIMIN E LIGJIT NR. 2003/17 PËR PROKURIMIN PUBLIK TË NDRYSHUAR ME LIGJIN NR. 02/ L-99

Neni 1 Ky ligj ka për qëllim përcaktimin e rregullave të procedurës së prokurimit publik për nevojat e misioneve diplomatike dhe konsullore të Republikës së Kosovës

Neni 2

Neni 4 i LPP-së te përkufizimi i zyrtarit kryesor administrativ(ZKA), në fund të tekstit, pas fjalës “personelit.”shtohet teksti si vijon: Në rastin e misionit diplomatik/konsullor si dhe përfaqësuesit të autorizuar nga shefi i misionit, ZKA nënkupton shefin e këtij misioni ose të autorizuarin e tij.

Neni 3 Nenit 24 të LPP i shtohet paragrafi i ri 24.5 me tekstin si vijon: 24.5. Nënshkrimi i kontratave për vlera minimale dhe të vogla, në aktivitetet e prokurimit të misioneve diplomatike dhe konsullore, bëhet nga shefi i misionit diplomatik apo konsullor ose i autorizuari i tij. Shefi i Misionit diplomatik/konsullor është përgjegjës për shpenzimet e buxhetit brenda misionit diplomatik/konsullor.

Neni 4 Nenit 30A të LPP-së i shtohet paragrafi i ri 30A 7. me tekstin si vijon: 30.A.7. Të gjitha aktivitet e prokurimit të vlerave të mesme dhe të mëdha për misionet diplomatike dhe konsullore zhvillohen nga Ministria e Punëve te Jashtme në pajtim me procedurat e përcaktuara në LPP-së.

Neni 5 Nenit 34 të LPP-së i shtohen paragrafët e rinj me tekstin si vijon: 2 34.10. Kërkesat e përcaktuara me nenin 34.1 të LPP-së nuk aplikohen për misionet diplomatike dhe konsullore. 34.11. Shefi i Misionit diplomatik/ konsullor pasi që identifikon pronën e përshtatshme të mundshme, udhëheq negociatat për ofertën dhe kushtet, për marrje me qira të objekteve. 34.12. Për marrjen me qira të objekteve për zyra si dhe për objekte banimi së pari duhet t’i paraprijë një kërkesë me shkrim nga ana e Shefit të misionit Diplomatik/konsullor drejtuar zyrtarit aprovues të Ministrisë së Punëve të Jashtme (MPJ-së), ku ky i fundit duhet të shqyrtojë dhe të bëjë aprovimin e kërkesës së bërë nga ana e shefit të misionit. 34.13. Shefi i misionit diplomatik/ konsullor mund të angazhoj një kompani vendore në shtetin pranues, për ndërmjetësim të marrjes së objektit me qira të misioneve diplomatike apo konsullore. 34.14. Të gjitha marrëveshjet për hapësirat e marra me qira për zyre të misioneve diplomatike apo konsullore bëhen në emër të misionit diplomatik dhe konsullor. 34.15. Misioni diplomatik dhe konsullor mund të lidhë kontratë në kohëzgjatje deri në pesë (5) vite. 34.16. Mund të lejohet avansi ne maksimum deri në dymbëdhjetë (12) muaj, ku përfshihen pagesat e kaucioneve dhe shërbimeve të mirëmbajtjes së objekteve të zyrave dhe të banimit. 34.17. Shefi i misionit diplomatik/ konsullor i dërgon MPJ-së kërkesën për blerjen e automjetit me më shumë se një ofertë. Në raste të tilla MPJ themelon komision të brendshëm prej tre anëtarësh, i cili bën vlerësimin e kërkesës dhe jep aprovimin apo refuzimin për fillimin e negociatave nga ana e shefit të misionit diplomatik dhe konsullor 34.18. Pas aprovimit të kërkesës nga ana e Komisionit të MPJ-së, shefi i misionit diplomatik/konsullor fillon negociatat me operatorin ekonomik mbi bazën e parimeve të transparencës jo diskriminimit dhe ekonomicitetit. 34.19. Për blerjen e objekteve për misionet diplomatike/konsullore të Republikës së Kosovës përdoren procedurat e negociuara pa publikimin e njoftimit të kontratës. 34.20. Për blerjen e Objekteve për misionet diplomatike/konsullore paraprakisht merret vendim nga Qeveria. 34.21. Pas Vendimit të Qeverisë, Qeveria cakton një Komision profesional për zhvillimin e negociatave me subjektin që e shet pronën (objektin). 34.22. Përbërja, kompetencat dhe funksionimi i Komisionit profesional rregullohet me akt nënligjor të Qeverisë. 34.23. Pasuria e luajtshme dhe e paluajtshme e Misioneve diplomatike dhe konsullore janë pasuri e Republikës së Kosovës. 34.24. Ministria e Punëve të Jashtme mban evidencën e të gjithë pasurisë së luajtshme dhe paluajtshme të misioneve diplomatike/konsullore.

Neni 6 Nenit 35 të LPP-së i shtohen paragrafët e rinj me tekstin si vijon: 35.11. Për ushtrimin e aktiviteteve të prokurimit për misionet diplomatike/ konsullore, të cilat nuk tejkalojnë vlerën njëmijë (1.000) Euro, bëhet përjashtimi i procedurave të prokurimit të përcaktuara në nenin 36 të LPP-së. 3 35.12. Përfaqësitë Diplomatike dhe Konsullore zhvillojnë procedurat e kuotimit të çmimit për furnizime dhe shërbime për nevojat e veta. 35.13. KRRP-ja përcakton procedurë të veçantë për kuotimin e çmimit për misionet diplomatike/konsullore dhe harton legjislacionin sekondar për këtë procedurë brenda tridhjetë (30) ditëve pas hyrjes ne fuqi të këtij ligji. 35.14. Ministria e Punëve të Jashtme mbikëqyr kryerjen dhe përfundimin e këtyre procedurave.

Neni 7 Ky ligj hyn në fuqi ditën e publikimit në Gazetën Zyrtare të Republikës së Kosovës. Ligji Nr. 03/ L-158 24 korrik 2009 Shpallur me dekretin Nr. DL-023-2009, datë 31.07.2009 nga Presidenti i Republikës së Kosovës, Dr. Fatmir Sejdiu.