LIGJI NR. 04/L-185 PËR TARIFAT E VEÇANTA TË AKCIZËS PËR PRODHIMIN FILLESTAR DHE PRODHIMIN E VOGËL TË PRODUKTEVE ALKOOLIKE TË PRODHUARA NË KOSOVË

GAZETA ZYRTARE E REPUBLIKËS SË KOSOVËS / Nr. 5 / 22 JANAR 2014, PRISHTINË PËR TARIFAT E VEÇANTA TË AKCIZËS PËR PRODHIMIN FILLESTAR DHE PRODHIMIN E VOGËL TË PRODUKTEVE ALKOOLIKE TË PRODHUARA NË KOSOVË / ANEKS 1 LIGJI NR. 04/L-185 PËR TARIFAT E VEÇANTA TË AKCIZËS PËR PRODHIMIN FILLESTAR DHE PRODHIMIN E VOGËL TË PRODUKTEVE ALKOOLIKE TË PRODHUARA NË KOSOVË Kuvendi i Republikës së Kosovës, Në bazë të nenit 65(1) të Kushtetutës së Republikës së Kosovës, Miraton LIGJ PËR TARIFAT E VEÇANTA TË AKCIZËS PËR PRODHIMIN FILLESTAR DHE PRODHIMIN E VOGËL TË PRODUKTEVE ALKOOLIKE TË PRODHUARA NË KOSOVË

Neni 1 Qëllim Ky ligj ka për qëllim përcaktimin e tarifave të veçanta të akcizës për prodhuesit e vegjël të produkteve alkoolike dhe caktimin e metodës për përcaktimin e sasive dhe të përqindjes së alkoolit të produkteve alkoolike.

Neni 2 Tarifat e veçanta të akcizës për prodhimin fillestar dhe prodhimin e vogël të produkteve alkoolike të prodhuara në Kosovë 1. Në rastin kur personi në Kosovë prodhon gjatë një viti kalendarik jo më shumë se 100 litra (1 hektolitër) të alkoolit 100% të produkteve të alkoolit nga lista e Shtojcës A të bashkangjitur këtij ligji, këto produkte, pas lëshimit për konsum në Kosovë, i nënshtrohen tarifës zero të akcizës dhe 2. Në rastin kur personi në Kosovë gjatë një viti kalendarik prodhon më shumë se 100 litra (1 hektolitër) të alkoolit 100%, por jo më shumë se 1100 litra (11 hektolitra) të produkteve alkoolike nga Shtojca A të bashkangjitur këtij ligji, këto produkte, pas lëshimit për konsum në Kosovë, i nënshtrohen akcizës sipas tarifës vijuese: 2.1. për 100 litrat e para ( 1 hektolitër) të alkoolit 100% aplikohet tarifa zero; dhe 2.2. për më shumë se 100 litra (1 hektolitër), por jo më shumë se 1100 litra (11 hektolitra) aplikohet tarifa njëqind (100) Euro për një (1) hektolitër të alkoolit absolut me përqindje 100% në temperaturën 20°C. 3. Në rastin kur personi në Kosovë gjatë një viti kalendarik prodhon më shumë se 1100 litra (11 hektolitra) të alkoolit me përqindje 100% nga lista e produkteve alkoolike të Shtojcës A të bashkangjitur këtij ligji, ato produkte, pas lëshimit për konsum në Kosovë, i nënshtrohen tarifës së akcizës si në vijim: 3.1. për 100 litrat e para (1 hektolitër) të alkoolit me përqindje 100% aplikohet tarifa zero; 3.2. për më shumë se 100 litra (1 hektolitër), por jo më shumë se 1100 litra (11 hektolitra) aplikohet tarifa (100) Euro për një (1) hektolitër të alkoolit absolut me përqindje prej 100 % në temperaturën 20°C; dhe 3.3. për sasinë më të madhe se 1100 litra (11 hektolitra) aplikohet tarifa e përcaktuar në Shtojcën A të Ligjit për Tatimin e Normës së Akcizës në Kosovë. 4. Sipas këtij neni, mallrat do të konsiderohen si të prodhuara në Kosovë dhe, nëse janë importuar në Kosovë, ato do të cilësohen si me prejardhje nga Kosova në bazë të nenit 26 të Kodit Doganor dhe Akcizave Nr. 03/L-109. GAZETA ZYRTARE E REPUBLIKËS SË KOSOVËS / Nr. 5 / 22 JANAR 2014, PRISHTINË PËR TARIFAT E VEÇANTA TË AKCIZËS PËR PRODHIMIN FILLESTAR DHE PRODHIMIN E VOGËL TË PRODUKTEVE ALKOOLIKE TË PRODHUARA NË KOSOVË / ANEKS 2

Neni 3 Përcaktimi i sasive dhe i përqindjes së alkoolit të produkteve alkoolike 1. Përveç nëse nuk dëshmohet e kundërta: 1.1. sasia dhe përqindja e alkoolit në çdo produkt alkoolik do të konsiderohet ashtu siç është e paraqitur në çdo etiketë të ngjitur apo të shtypur në ambalazhin e produktit alkoolik; dhe 1.2. në rastet kur sasia apo përqindja e alkoolit nuk është e shënuar në asnjë etiketë të ngjitur apo të shtypur në ambalazhin e produktit alkoolik, sasia dhe përqindja e alkoolit me përqindje 100% do të konsiderohet të jetë ashtu siç është përcaktuar në Shtojcën B të bashkangjitur këtij ligji.

Neni 4 Ndryshimi dhe plotësimi i Shtojcës 1. Në raste të veçanta Qeveria e Republikës së Kosovës me akt nënligjor, mund të ndryshon listën e produkteve alkoolike të prodhuara në Kosovë që i nënshtrohen tarifave të veçanta të akcizës dhe për këtë njoftohet Kuvendi. 2. Lista fillestare e produkteve alkoolike të prodhuara në Kosovë është e përcaktuar në Shtojcën A dhe B, bashkangjitur këtij ligji.

Neni 5 Zbatimi Ministri i Financave nxjerr akt nënligjor për zbatimin e këtij ligji.

Neni 6 Dispozitat Shfuqizuese Me hyrjen në fuqi të këtij ligji, shfuqizohet Rregullorja e UNMIK-ut 2006/8 për ndryshimin e Rregullores së UNMIK-ut nr. 2005/32 mbi Kodin e Akcizës në Kosovë.

Neni 7 Hyrja në fuqi Ky ligj hyn në fuqi pesëmbëdhjetë (15) ditë pas publikimit në Gazetën Zyrtare të Republikës së Kosovës. Ligji nr. 04/L-185 26 dhjetor 2013 Ligji shpallet në Gazetën Zyrtare të Republikës se Kosovës, duke u bazuar në nenin 80 paragrafi 5 të Kushtetutës se Republikës së Kosovës GAZETA ZYRTARE E REPUBLIKËS SË KOSOVËS / Nr. 5 / 22 JANAR 2014, PRISHTINË PËR TARIFAT E VEÇANTA TË AKCIZËS PËR PRODHIMIN FILLESTAR DHE PRODHIMIN E VOGËL TË PRODUKTEVE ALKOOLIKE TË PRODHUARA NË KOSOVË / ANEKS 3 LIGJI NR. 04/L-185 PËR TARIFAT E VEÇANTA TË AKCIZËS PËR PRODHIMIN FILLESTAR DHE PRODHIMIN E VOGËL TË PRODUKTEVE ALKOOLIKE TË PRODHUARA NË KOSOVË SHTOJCA A PRODUKTET ALKOOLIKE TË PRODHUARA NË KOSOVË QË I NËNSHTROHEN TARIFAVE TË VEÇANTA TË AKCIZËS PËR PRODHIMIN FILLESTAR DHE TË VOGËL Përshkrimi Kodi Birra e prodhuar nga malti 2203 Verërat nga rrushi i freskët, duke përfshirë verërat me përmbajtje të shtuar të alkoolit; mushti i rrushit, përpos atij nga kaptina 2009 2204 Vermuti dhe verërat e tjera nga rrushi i freskët me shije të bimëve apo të substancave aromatike 2205 Pijet e tjera të fermentuara (për shembull: mushti i mollës apo i dardhës, pijet alkoolike nga fermentimi i mjaltës); përzierjet e pijeve të fermentuara dhe përzierjet e pijeve të fermentuara e të pijeve joalkoolike, të cilat nuk janë cekur ose nuk janë përfshirë diku tjetër 2206 Etil alkool i padenatyrizuar me përqindje të alkoolit prej më pak se 80%; pijet alkoolike, likeret dhe pijet e tjera alkoolike 2208 SHTOJCA B SASITË DHE PËRQINDJET E ALKOOLIT Përshkrimi Kodi Sasia Përqindja e alkoolit Birra e prodhuar nga malti 2203 33,3 cl 5% e përqindjes absolute të alkoolit në temp. 20 o C Verërat nga rrushi i freskët, duke përfshirë verërat me përmbajtje të shtuar të alkoolit; mushti i rrushit, përpos atij nga kaptina 2009 2204 75 cl 12,5% e përqindjes absolute të alkoolit në temp. 20 o C Vermuti dhe verërat e tjera nga rrushi i freskët me shije të bimëve apo të substancave aromatike 2205 70 cl 20% e përqindjes absolute të alkoolit në temp. 20 o C Pijet e tjera të fermentuara (për shembull: mushti i mollës apo i dardhës, pijet alkoolike nga fermentimi i mjaltës); përzierjet e pijeve të fermentuara dhe përzierjet e pijeve të fermentuara e të pijeve joalkoolike, të cilat nuk janë cekur ose nuk janë përfshirë 2206 75 cl 5% e përqindjes absolute të alkoolit në temp. 20 o C Etil alkool i padenatyrizuar me përqindje të alkoolit prej më pak se 80%; pijet alkoolike, likerët dhe pijet e tjera alkoolike 2208 1 litër 40% e përqindjes absolute të alkoolit në temp. 20 o C