LIGJI NR. 06/L-087 PËR KOMPETENCAT E ZGJERUARA PËR KONFISKIMIN E PASURISË

GAZETA ZYRTARE E REPUBLIKËS SË KOSOVËS / Nr. 23 / 26 DHJETOR 2018, PRISHTINË 75 LIGJI Nr. 06/L-087 PËR KOMPETENCAT E ZGJERUARA PËR KONFISKIMIN E PASURISË LIGJI Nr. 06/L-087 PËR KOMPETENCAT E ZGJERUARA PËR KONFISKIMIN E PASURISË Kuvendi i Republikës së Kosovës, Në mbështetje të nenit 65 (1) të Kushtetutës së Republikës së Kosovës, Miraton LIGJ PËR KOMPETENCAT E ZGJERUARA PËR KONFISKIMIN E PASURISË KAPITULLI I DISPOZITAT E PËRGJITHSHME

Neni 1 Qëllimi 1. Ky Ligj përcakton kompetencat e zgjeruara për konfiskimin e pasurisë atëherë kur procedurat e detajuara në Kodin e Procedurës Penale të Republikës së Kosovës nuk janë të mjaftueshme. 2. Ky ligj, po ashtu implementon Direktivën 2014/42/BE e Parlamentit Evropian dhe e Këshillit, e datës 3 prill 2014 mbi ngrirjen dhe konfiskimin e instrumenteve dhe të ardhurave të krimit në Bashkimin Evropian.

Neni 2 Fushëveprimi 1. Konfiskimi i zgjeruar siç parashihet me këtë Ligj zbatohet për pasurinë e personave të dënuar për ndonjë nga veprat penale të parapara me Kodin Penal të Republikës së Kosovës dhe ligjet tjera, si në vijim 1.1. veprat penale kundër krimit të organizuar; 1.2. veprat penale të korrupsionit zyrtar dhe veprat penale të ndërlidhura me detyrën zyrtare; 1.3. veprat penale kundër shëndetit publik; 1.4. veprat penale të trafikimit me njerëz, skllavërisë dhe rrëmbimit; 1.5. veprat penale seksuale; 1.6. veprat penale lidhur me konflikte të armatosura jashtë territorit të vendit; 1.7. veprat penale të pastrimit të parave dhe financimit të terrorizmit; GAZETA ZYRTARE E REPUBLIKËS SË KOSOVËS / Nr. 23 / 26 DHJETOR 2018, PRISHTINË 76 LIGJI Nr. 06/L-087 PËR KOMPETENCAT E ZGJERUARA PËR KONFISKIMIN E PASURISË 1.8. veprat penale lidhur me terrorizmin; 1.9. veprat penale lidhur me drogat; 1.10. veprat penale lidhur me armët; 1.11. veprat penale kibernetike; 1.12. veprat penale kundër ekonomisë; 1.13. veprat penale kundër pasurisë; 1.14. veprat penale kundër ambientit; 1.15. tentimi, shtytja, ndihma dhe marrëveshja për të kryer ndonjërën nga veprat penale të përcaktuara nga nënparagrafi 1.1 deri në 1.14 të këtij neni; ose 1.16. çdo vepër penale që ka sjell përfitime materiale që tejkalojnë dhjetë mijë (10,000) euro. 2. Përveç paragrafit 1 të këtij neni, fushëveprimi i këtij ligji përfshin edhe konfiskimin e përfitimit material ose të mjeteve për kryerjen e një vepre penale siç është përcaktuar në Kapitullin IV të këtij ligji (Dispozitat në lidhje me Konfiskimin e Përfitimit Material ose të Mjeteve për Kryerjen e një Vepre Penale).

Neni 3 Përkufizimet 1. Shprehjet e përdorura në këtë ligji, do të kenë këto kuptime: 1.1. Konfiskim – konfiskimi i përhershëm i pasurisë, i urdhëruar me një vendim të formës së prerë nga gjykata kompetente në përputhje me këtë ligj. 1.2. Kompetencat e Zgjeruara të Konfiskimit – masat për konfiskimin e pasurisë sipas procedurës së përcaktuar në këtë ligj. 1.3. I pandehuri – personi, përfshirë këtu edhe personin juridik, siç është përcaktuar në Kodin e Procedurës Penale të Republikës së Kosovës. Për qëllim të këtij ligji, kjo shprehje përfshin gjithashtu personin e dënuar. 1.4. Blerësi Bona fide– personi i cili e ka blerë pasurinë e të pandehurit dhe për atë pasuri ka paguar çmimin, i cili nuk është në mënyrë domethënëse më i ulët sesa çmimi i tregut. Blerës bona fide nuk konsiderohet personi i cili pavarësisht çmimit të paguar, e ka ditur ose është dashur të dijë se pasuria e blerë, është shitur me qëllim të evitimit të konfiskimit përmes transferimit ose përvetësimit të saj apo nëse pasuria e transferuar ose e përvetësuar është përfituar nga një vepër penale 1.5. Pasuria e të pandehurit – çdo lloj prone, substanciale ose jo - substanciale, e luajtshme ose e paluajtshme, e prekshme ose e paprekshme, si dhe dokumente apo GAZETA ZYRTARE E REPUBLIKËS SË KOSOVËS / Nr. 23 / 26 DHJETOR 2018, PRISHTINË 77 LIGJI Nr. 06/L-087 PËR KOMPETENCAT E ZGJERUARA PËR KONFISKIMIN E PASURISË instrumente ligjore siç përcaktohet në paragrafin 2 dhe nënparagrafët 2.1 dhe 2.2 të nenit 8 të këtij ligji, që dëshmojnë pasurinsëi ose interes ndaj pasurive të tilla, e të cilat: 1.5.1. i pandehuri i ka fituar brenda dhjetë (10) viteve para ditës kur është iniciuar faza hetimore për një vepër penale të përcaktuar në nenin 2 të këtij ligji; ose 1.5.2. janë në pronësi ose në posedim të një pale të tretë për llogari ose përfitim të të pandehurit; ose 1.5.3. i pandehuri i ka transferuar tek një palë e tretë e cila nuk ishte një blerës bona fide, ose që më pas janë transferuar në vazhdimësi tek palët e tjera të treta të cilat nuk ishin blerës bona fide, brenda 10 viteve para ditës kur është iniciuar faza hetimore për një vepër penale të përcaktuar në nenin 2 të këtij ligji (në tekstin e mëtejmë: Pasuria e transferuar). 1.6. Vlera zëvendësuese – një shumë parash që i korrespondon vlerës së pasurisë, e cila nuk mund të realizohet në tërësi apo pjesërisht nga pasuritë e të pandehurit dhe të palës së tretë, e cila ka marrë pasurinë e transferuar. 1.7. Verifikim i pasurisë – verifikim i prejardhjes së ligjshme të pasurisë së të pandehurit siç përcaktohet në nën-paragrafin 1.5 të këtij neni. 1.8. Vlerësimi i gjasave – standard i të provuarit kur diçka është e mundshme, ose që ka më shumë gjasa të jetë e mundshme sesa jo. 1.9. Dyshim i arsyeshëm – siç është përcaktuar në Kodin e Procedurës Penale të Republikës së Kosovës. 1.10. Dyshim i bazuar - siç është përcaktuar në Kodin e Procedurës Penale të Republikës së Kosovës. 1.11. Sekuestrimi i përkohshëm - statusi ligjor i pasurisë që është konfiskuar nga policia dhe që është nën kontrollin e tyre ose në kujdestarinë sipas urdhrit të përkohshëm kufizues të lëshuar nga prokurori i Shtetit, në pajtim me nenin 8 të këtij ligji. KAPITULLI II KOMPETENCAT E ZGJERUARA TË KONFISKIMIT

Neni 4 Kërkesa për Verifikim të Pasurisë së të Pandehurit të Dënuar 1. Pasi një i pandehur shpallet fajtor për një vepër penale të përcaktuar në nenin 2 paragrafi 1 të këtij ligji, Prokurori i shtetit, me një kërkesë të veçantë (në tekstin e mëtejmë: kërkesë për verifikim të pasurisë) në gjykatën, e cila e ka nxjerrë aktgjykimin, mund të kërkoj verifikimin e pasurisë brenda periudhës pesë (5) vjeçare pasi që aktgjykimi të bëhet i formës së prerë, siç është përcaktuar në Kodin Penal të Republikës së Kosovës. 2. Në kërkesën për verifikim të pasurisë, Prokurori i Shtetit do të: GAZETA ZYRTARE E REPUBLIKËS SË KOSOVËS / Nr. 23 / 26 DHJETOR 2018, PRISHTINË 78 LIGJI Nr. 06/L-087 PËR KOMPETENCAT E ZGJERUARA PËR KONFISKIMIN E PASURISË 2.1. paraqes të gjitha pasuritë që janë objekt i verifikimit të pasurisë; 2.2. identifikojë në mënyrë të qartë çdo pasuri; 2.3. ofrojë prova që secila pjesë e pasurisë është pronë e të pandehurit, siç përcaktohet në nenin 3 nën-paragrafi 1.5 të këtij ligji. 3. Prokurori i shtetit do ju dorëzojë nga një kopje të kërkesës për verifikim të pasurisë të pandehurit dhe të gjitha palëve të treta të njohura, të cilat mund të kenë një interes ligjor në pasurinë që është objekt i kërkesës.

Neni 5 Seanca Dëgjimore për Verifikim të Pasurisë 1. Brenda tridhjetë (30) ditësh pas dorëzimit të kërkesës për verifikim të pasurisë, Gjykata mban një seancë dëgjimore për verifikim të pasurisë. 2. Prokurori i Shtetit do të jetë prezent në seancën për verifikim të pasurisë. 3. I pandehuri dhe çdo palë e tretë që pretendon të ketë një interes ligjor në pasurinë e përfshirë në kërkesën për verifikimin e pasurisë, kanë të drejtë të jenë të pranishëm në seancën dëgjimore për verifikimin e pasurisë. 4. Gjatë seancës dëgjimore për verifikim të pasurisë, fillimisht i kërkohet prokurorit të Shtetit të provojë, duke i vlerësuar gjasat që secila pjesë e pasurisë e paraqitur në kërkesën për verifikim të pasurisë është pronë e të pandehurit, siç përcaktohet në nenin 3, nënparagrafin 1.5 të këtij ligji. 5. Gjatë të provuarit dhe vlerësimit të gjasave të përcaktuar në paragrafin 4 të këtij neni, Prokurori i Shtetit mund të dorëzojë çdo provë apo çdo dokument relevant. 6. I pandehuri dhe çdo palë e tretë që pretendon të ketë një interes ligjor në pasurinë e paraqitur në kërkesën për verifikim të pasurisë, mund të dorëzojë në Gjykatë çfarëdo prove ose çdo dokument relevant për të provuar me anë të vlerësimit të gjasave se: 6.1. pasuria e paraqitur në kërkesën për verifikim të pasurisë nuk është pronë e të pandehurit, siç përcaktohet në nenin 3 nën-paragrafi 1.5 të këtij ligji; 6.2. pasuria e paraqitur në kërkesën për verifikim të pasurisë është pronë e të pandehurit, siç përcaktohet në nenin 3 nën-paragrafi 1.5 të këtij ligji dhe që pasuria është fituar nga ai/ajo nga burimet e mjaftueshme legjitime që ka pasur në kohën kur e ka fituar pasurinë e tillë; ose 6.3. pasuria e paraqitur në kërkesën për verifikim të pasurisë, si pasuri e transferuar është blerë nga një blerës bona fide. 7. Gjykata do të përdorë gjithashtu të gjitha provat e pranueshme të paraqitura në gjykatë gjatë shqyrtimit kryesor në të cilin është dënuar i pandehuri. GAZETA ZYRTARE E REPUBLIKËS SË KOSOVËS / Nr. 23 / 26 DHJETOR 2018, PRISHTINË 79 LIGJI Nr. 06/L-087 PËR KOMPETENCAT E ZGJERUARA PËR KONFISKIMIN E PASURISË 8. Nëse paraqitet nevoja, gjykata mund të caktojë ekspert, dhe në bazë të propozimit nga palët, mund t’i thërrasë dëshmitarë në seancën dëgjimore për verifikim të pasurisë. Ekzaminimi i provave të tilla bëhet në pajtim me dispozitat e Kodit të Procedurës Penale të Republikës së Kosovës, përveç nëse ato janë në kundërshtim me dispozitat e nenit 18 të këtij ligji.

Neni 6 Vendimi në lidhje me Verifikimin e Pasurisë dhe Urdhri për Konfiskim 1. Brenda tridhjetë ditëve (30) pas seancës për verifikim të pasurisë, Gjykata do të nxjerrë një vendim të arsyetuar për pasurinë e paraqitur në kërkesën për verifikim të pasurisë, duke përcaktuar: 1.1. nëse prokurori i shtetit, duke vlerësuar gjasat, ka provuar se secila pjesë e pasurisë e paraqitur në kërkesën për vlerësim të pasurisë është pronë e të pandehurit, siç përcaktohet në nenin 3 nën-paragrafin 1.5 të këtij ligji; 1.2. nëse i pandehuri, duke vlerësuar gjasat, ka provuar se secila pjesë e pasurisë i renditur në kërkesën për vlerësim të pasurisë është fituar nga ai apo ajo nga burimet e mjaftueshme legjitime që ka pasur në kohën kur e ka fituar pronën e tillë; dhe/ose 1.3. nëse një palë e tretë që pretendon të jetë një blerës bona fide i pasurisë së renditur në kërkesën për vlerësim të pasurisë i ka përmbushur kërkesat e specifikuara në nenin 3 nënparagrafin 1.4 të këtij Ligji. 2. Për secilin pjesë të pasurisë që Gjykata përcakton se është pronë e të pandehurit, siç është përcaktuar në nenin 3 nën-paragrafi 1.5 të këtij ligji, dhe për të cilin i pandehuri ose një palë e tretë nuk kanë përmbushur kërkesat e përcaktuara në nënparagrafin 1.2 ose nënparagrafin 1.3 të këtij neni, Gjykata do të: 2.1. urdhërojë konfiskimin e pasurisë; 2.2. përcaktojë vlerën monetare të pasurisë; 2.3. urdhërojë që pasuria e konfiskuar të transferohet në pronë të Republikës së Kosovës; 2.4. urdhërojë ndryshimet përkatëse në regjistrat publikë të Gjykatës ose organit tjetër kompetent. 3. Për secilin pjesë të pasurisë së detajuar në kërkesën për verifikim të pasurisë që Gjykata përcakton se nuk është pronë e të pandehurit, siç përcaktohet në nenin 3 nënparagrafi 1.5 të këtij ligji, ose që i pandehuri ose pala e tretë i kanë përmbushur kushtet e përcaktuara në nënparagrafin 1.2 ose nënparagrafin 1.3 të këtij neni, Gjykata nxjerr vendim të arsyetuar duke refuzuar kërkesën për verifikim të pasurisë. 4. Nëse për çfarëdo arsye, pasuria e përfshirë në vendimin e referuar në paragrafin 1 të këtij neni nuk është në dispozicion për konfiskim, siç përcaktohet në paragrafin 2 të këtij neni, i pandehuri dhe çdo palë e tretë e cila ka pranuar pasuri të transferuara detyrohen nga Gjykata që të paguajnë vlerën zëvendësuese për pasurinë e tillë. Gjykata do të specifikojë afatin për kryerjen e pagesës. GAZETA ZYRTARE E REPUBLIKËS SË KOSOVËS / Nr. 23 / 26 DHJETOR 2018, PRISHTINË 80 LIGJI Nr. 06/L-087 PËR KOMPETENCAT E ZGJERUARA PËR KONFISKIMIN E PASURISË 5. Nëse i pandehuri ose cilado palë e tretë e cila ka pranuar pasuri të transferuara nuk i përmbush detyrimet e tij/saj, siç përcaktohet në paragrafin 4 të këtij neni: 5.1. Gjykata konfiskon çdo pasuri tjetër të të pandehurit ose çdo pasuri tjetër të palës së tretë, e cila ka pranuar pasuri të transferuara, që përputhet me vlerën zëvendësuese. 5.2. Prokurori i Shtetit mundet në çdo kohë, pas aktvendimit nga paragrafi 1 i këtij neni, të kërkojë konfiskimin e çdo pasurie të të pandehurit ose të palës së tretë deri në vlerën monetare të përcaktuar në paragrafin 4 të këtij neni. 6. I pandehuri, Prokurori i Shtetit dhe çdo pale e tretë që pretendon se ka një interes ligjor në pasurinë e paraqitur në kërkesën për verifikim të pasurisë kanë të drejtë ankesë kundër vendimit të tillë brenda pesëmbëdhjetë (15) ditësh pasi u është dorëzuar vendimi. Ankesa e pezullon ekzekutimin e vendimit. 7. Për shqyrtimin e ankesës nga paragrafi 6 i këtij neni zbatohen mutatis mutandis dispozitat përkatëse të Kodit të Procedurës Penale të Republikës së Kosovës, përveç nëse me këtë Ligj është përcaktuar ndryshe. 8. Ndaj vendimit të ankimuar, të përcaktuar në paragrafin 6 të këtij neni, nuk mund të paraqitet mjeti jashtëzakonshëm. KAPITULLI III KËRKESAT DHE URDHRAT PËR KUFIZIM

Neni 7 Procedurat për Kufizim 1. Procedurat për kufizim janë: 1.1. procedurat për urdhërin kufizues të përkohshëm; 1.2. procedurat për urdhërin kufizues përfundimtar. 2. Gjykata në procedurat për kufizim, kërkesat i shqyrton dhe vendos me shkrim, pa pasur nevojë për një seancë dëgjimore, përveç nëse Gjykata urdhëron ndryshe dhe në pajtim me nenin 11 të këtij ligji. 3. Barra e provës për Prokurorin e Shtetit gjatë procedurave për kufizim do të jetë të provuarit e dyshimit të bazuar. 4. Të gjitha vendimet e Gjykatës në lidhje me kërkesat e dorëzuara në bazë të këtij Kapitulli do të jenë në formë të urdhrit të Gjykatës me arsyetim përkatës i cili do t’i dërgohet Prokurorit të Shtetit, të pandehurit dhe çdo pale të tretë të emërtuar në urdhrin kufizues brenda dyzetetetë (48) orësh pasi është lëshuar ai. GAZETA ZYRTARE E REPUBLIKËS SË KOSOVËS / Nr. 23 / 26 DHJETOR 2018, PRISHTINË 81 LIGJI Nr. 06/L-087 PËR KOMPETENCAT E ZGJERUARA PËR KONFISKIMIN E PASURISË

Neni 8 Urdhri Kufizues i Përkohshëm 1. Nëse pasuria e të pandehurit, siç përcaktohet në nenin 3 nënparagrafin 1.5 të këtij ligji, mund të jetë objekt i një kërkese në bazë të nenit 4 të këtij ligji, një prokuror i shtetit mund, në çdo kohë pas fillimit të një hetimi penal për një nga veprat penale të përcaktuar në nenin 2 paragrafin 1 të këtij ligji, të lëshojë një urdhër kufizues të përkohshëm që ndalon çdo person të emërtuar në urdhër që të kryejë transaksione me pasurinë e detajuar në urdhër. 2. Për qëllim të këtij Ligji, fjala “pasuri” i referohet çdo gjëje me vlerë, të çdo forme, qoftë kjo trupore ose jo-trupore, e luajtshme ose e paluajtshme, përfshirë por pa u kufizuar në: 2.1. pasuria, toka, ndërtesat, apartamentet, shtëpitë, valutat, stolitë, metalet e çmueshme, llogaritë bankare, automjetet e çdo forme, avionët, stoqet, aksionet, letrat me vlerë, bonot, borxhet, pasuritë intelektuale të çdo forme, instrumentet monetare përfshirë këtu valutat, paratë e gatshme, çeqet e udhëtarëve, çeqet personale, kreditë bankare, çeqe bankare të porosive për para, urdhërpagesa, porosi për para, çeqe të arkës të çdo përshkrimi, letra kredie, dhe/ose letra me vlerë investimi ose instrumente të negociueshme, në formën e titullarit ose përndryshe në formë të tillë që personi bëhet titullar në momentin e dorëzimit, çdo interes, dividendë ose tjetër e ardhur nga pasuria ose vlera që rrjedh apo gjenerohet nga pasuria e tillë; 2.2. instrumente ligjore që evidentojnë interes në çfarëdo prone, përfshirë, por jo të kufizuar në titull, aktin e pronësisë, hipotekë, servitude ose interes në një pronë dhe të drejta për të përdorur pasuritë në pronësi shoqërore, pronësi publike dhe shtetërore. 3. Ndalimi për të kryer transaksione me pronën përfshin por nuk kufizohet në: 3.1. shitjen e pasurisë; 3.2. transferimin e pronësisë së pasurisë; 3.3. dhurimin e pasurisë; 3.4. uljen në vlerë të pasurisë; 3.5. tërheqjen e pasurisë nga një llogari bankare; 3.6. përdorimi i çfarëdo paraje të marrë nga qiraja e pasurisë; 3.7. menaxhimi i pasurisë; 3.8. çfarëdo veprimi i cili ndikon negativisht në ruajtjen e vlerës të pasurisë. 4. Pasuria e cilat mund të përfshihet në një urdhër kufizues të përkohshëm është çdo pasuri për të cilën prokurori i shtetit ka prova që provojnë dyshimin e bazuar që pasuria mund t’i nënshtrohet një kërkese nga neni 4 i këtij ligji. 5. Urdhri kufizues i përkohshëm i nxjerrë nga prokurori i shtetit do të: GAZETA ZYRTARE E REPUBLIKËS SË KOSOVËS / Nr. 23 / 26 DHJETOR 2018, PRISHTINË 82 LIGJI Nr. 06/L-087 PËR KOMPETENCAT E ZGJERUARA PËR KONFISKIMIN E PASURISË 5.1. përshkruajë pronën e përfshirë në urdhër; 5.2. përshkruaj provat që provojnë dyshimin e bazuar të përcaktuar në paragrafin 4 të këtij neni; 5.3. përshkruajë nevojën për urdhër kufizues të përkohshëm për të ruajtur pronën në dispozicion për konfiskim në të ardhmen në bazë të një kërkese nga neni 4 i këtij ligji, përfshirë këtu dhe shpërndarjen apo zhvleftësimin në vlerë të pasurisë; 5.4. urdhërojë personin të cilit i drejtohet urdhri që të parandalojë çfarëdo transaksioni me pasurinë për një periudhë prej shtatë (7) ditësh nga nxjerrja e urdhrit kufizues të përkohshëm; 5.5. paraqesë detajet e të gjithë personave për të cilët prokurori i shtetit është në dijeni se mund të kenë një interes në pasurinë e specifikuar; dhe 5.6. përcakton datën e lëshimit dhe kohën e skadimit të urdhrit kufizues të përkohshëm. 6. Urdhri kufizues i përkohshëm i lëshuar nga prokurori i Shtetit mund të përfshijë sekuestrimin e përkohshëm të pasurisë, i cili ekzekutohet nga policia, e cila kujdeset për pasurinë dhe mirëmban pasurinë. 7. Një urdhër kufizues i përkohshëm nga ky nen do të ketë efektin ne vijim për shtatë (7) ditë që nga momenti i lëshimit të urdhrit kufizues të përkohshëm deri në momentin kur përmbushen kushtet për të bërë një kërkesë për një urdhër kufizues përfundimtar siç përcaktohet në paragrafin 9 ose 10 të këtij neni: 7.1. çdo bankë apo institucion financiar i cili pranon një urdhër kufizues të përkohshëm, vepron në përputhje me urdhrin dhe parandalon menjëherë kryerjen e çfarëdo aktiviteti të mëtejshëm me llogarinë bankare apo çdo pasuri tjetër në bankë të përshkruar në urdhër cili e zvogëlon shumën e parave në llogarinë bankare apo zvogëlon vlerën e pasurisë. 7.2. çdo palë tjetër e cila pranon një urdhër kufizues të përkohshëm nga ky nen do të veprojë në përputhje me kushtet e urdhrit dhe do të parandalojë çdo aktivitet të mëtejshëm i cili e zvogëlon vlerën e pasurisë. 7.3. prokurori i shtetit informon çdo bankë ose institucion financiar ose palë tjetër e cila e pranon urdhrin kufizues të përkohshëm që është dorëzuar një kërkesë për një urdhër kufizues përfundimtar dhe se urdhri kufizues i përkohshëm mbetet i vlefshëm deri në momentin kur gjykata vendos mbi kërkesën për urdhër kufizues të përfundimtar. 8. Nëse personi ose entiteti i cili posedon pasuri që i nënshtrohet sekuestrimit të përkohshëm në një urdhër të kufizimit të përkohshëm, të lëshuar nga një prokuror i Shtetit, siç është detajuar në paragrafin 6 të këtij neni, refuzon t’ia dorëzojë pasurinë zyrtarit të autorizuar të policisë, përgjegjës për ekzekutimin e urdhrit, ai person ose subjekti i nënshtrohet ndjekjes penale për pengimin e provave ose procedurave zyrtare sipas Kodit Penal dhe një gjobë nga gjyqtari i procedurës paraprake deri në pesëdhjetë për qind (50%) të vlerës së pasurisë. Personi ose subjekti që i nënshtrohet një gjobe të tillë,kanë të drejtë ankese brenda shtatë (7) ditëve nga shqiptimi i tij ose mund të anulojë gjobën duke respektuar urdhrin e kufizimit të përkohshëm menjëherë, por jo më vonë se shtatë (7) ditë nga momenti i vendimit të shqiptuar që bën gjobën përfundimtare. GAZETA ZYRTARE E REPUBLIKËS SË KOSOVËS / Nr. 23 / 26 DHJETOR 2018, PRISHTINË 83 LIGJI Nr. 06/L-087 PËR KOMPETENCAT E ZGJERUARA PËR KONFISKIMIN E PASURISË 9. Prokurori i Shtetit paraqet kërkesë për urdhër kufizues përfundimtar nga neni 9 i këtij ligji, brenda afatit prej shtatë (7) ditësh nga nxjerrja e urdhrit kufizues të përkohshëm. Nëse prokurori ka kërkuar për një urdhër kufizues përfundimtar, urdhri kufizues i përkohshëm dhe sekuestrimi i përkohshëm i çfarëdo pasuriembetet i vlefshëm deri në momentin kur gjykata vendos mbi kërkesën për urdhër kufizues përfundimtar. 10. Nëse prokurori i Shtetit nuk paraqet një kërkesë për një urdhër kufizues përfundimtar, siç përcaktohet në nenin 9 të këtij ligji, urdhri kufizues i përkohshëm nuk është më i vlefshëm dhe çdo pasuri e përfshirë në urdhrin kufizues lirohet prej urdhrit kufizues të përkohshëm dhe i kthehen pronarit dhe çdo pronë e sekuestruar përkohësisht, përfshirë në urdhrin kufizues të përkohshëm, i kthehet pronarit apo poseduesit të pasurisë, përveç nëse pasuria i nënshtrohet konfiskimit automatik, siç përcaktohet në nenin përkatës të Kodit të Procedurës Penale të Republikës së Kosovës. 11. Një urdhër kufizues i përkohshëm mund të përfshijë pasuri që ndodhen si brenda po ashtu dhe jashtë Republikës së Kosovës. 12. Në rastet kur Prokurori i Shtetit beson se pasuria ndodhet në një shtet ose territor jashtë Republikës së Kosovës, ai kërkon asistencë nga qeveria e shtetit ose territorit të tillë për të ekzekutuar urdhrin kufizues të përkohshëm dhe çdo urdhër kufizues përfundimtar që vijon si pasojë e tij në shtetin ose territorin e tillë, në pajtim me ligjin e Republikës së Kosovës që rregullon ndihmën juridike të ndërsjellë.

Neni 9 Kërkesa për një urdhër kufizues përfundimtar 1. Kërkesa drejtuar Gjykatës kompetente për një urdhër kufizues përfundimtar përmban: 1.1. një kopje të urdhrit kufizues të përkohshëm; 1.2. një përshkrim të provave që provojnë dyshimin e bazuar të përshkruar në paragrafin 4 të nenit 8 të këtij ligji; 1.3. një përshkrim i nevojës për një urdhër kufizues përfundimtar për të ruajtur pasurinë në dispozicion për konfiskim në të ardhmen në bazë të një kërkese e cila mund të bëhet sipas nenit 4 të këtij ligji, përfshirë parandalimin e shpërndarjes apo zvogëlimit në vlerë të pasurisë; dhe 1.4. të dhënat e personave për të cilët prokurori i shtetit ka dijeni se mund të ketë një interes në pasuri. 2. Prokurori i Shtetit do t’i dorëzojë një kopje të kërkesës për urdhër kufizues përfundimtar të pandehurit dhe çdo personi të emërtuar në urdhrin kufizues të përkohshëm, ose çdo personi i cili mund të ketë interes në pasuri. 3. Nëse për çfarëdo arsye, kopja e kërkesës për urdhër kufizues përfundimtar nuk mund t’i dorëzohet të pandehurit, cilitdo person të emërtuar në kërkesë, ose personit me një interes në pronë, prokurori do të bëjë përpjekje të arsyeshme për t’i shërbyer këta persona me kërkesën. 4. Përpjekjet e arsyeshme nga paragrafi 3 i këtij neni përfshijnë dërgimin me postë të kërkesës në adresën e fundit të ditur të të pandehurit ose të personit, dërgimin me postë të kërkesës GAZETA ZYRTARE E REPUBLIKËS SË KOSOVËS / Nr. 23 / 26 DHJETOR 2018, PRISHTINË 84 LIGJI Nr. 06/L-087 PËR KOMPETENCAT E ZGJERUARA PËR KONFISKIMIN E PASURISË avokatit të të pandehurit ose të personit, publikimin e kërkesës në tabelën e njoftimeve të kuvendit komunal në territorin ku i pandehuri jeton, në territorin ku është kryer vepra penale dhe në territorin ku ndodhej pasuria, ose publikimin në një gazetë të përditshme.

Neni 10 Masat e përkohshme për të siguruar pronën 1. Nëse kërkesa për një urdhër kufizues përfundimtar përfshin pasuritë e sekuestruara përkohësisht, prokurori i shtetit do të përshkruaj në kërkesën për një urdhër për kufizim përfundimtar se cilat masa të përkohshme janë të nevojshme për të siguruar pasurinë. 2. Agjencia për administrimin e pasurisë së sekuestruar dhe të konfiskuar, është përgjegjëse për administrimin e çdo prone të përcaktuar në paragrafin 1 të këtij neni, në pajtim me ligjin në fuqi për administrimin e pasurisë së sekuestruar dhe të konfiskuar. 3. Masat e përkohshme për sigurimin e pasurisë së sekuestruar përkohësisht të përfshirë në një kërkesë për një urdhër kufizues përfundimtar përfshijnë, por nuk kufizohen në: 3.1. mbajtjen e pasurisë në një kasafortë; 3.2. mbajtjen e pasurisë në një depo të siguruar; 3.3. mirëmbajtjen e pasurisë së paluajtshme me një administrues të pasurisë; 3.4. mbajtjen e fondeve në një llogari bankare të autorizuar nga gjykata; 3.5. shitja ose tjetërsimi i pasurisë sipas paragrafëve 4 -7 të këtij neni; ose 3.6. hapa të arsyeshëm për të mirëmbajtur pronën ose ekuivalentin e saj për të parandaluar një humbje në vlerë. 4. Për pronën e cila kërkon shpenzime të mëdha për administrim, mirëmbajtje, sigurim, ushqim ose vendosje në depo, prokurori i shtetit do të kërkojë çdo masë të përkohshme e cila do të minimizojë shpenzimet e mëdha por që do ta ruajë vlerën e pasurisë. 5. Masat e përkohshme nga paragrafi 4 i këtij neni përfshijnë, por nuk kufizohen në: 5.1. shitjen e pasurisë me çmim të tregut; 5.2. therjen ose shitjen e bagëtive/kafshëve; 5.3. procesimi i kulturave ose materialeve në produkte përfundimtare. 6. Për pasurinë e cila do ta humbë vlerën shpejt ose është e zëvendësueshme, prokurori i shtetit do të kërkojë çfarëdo mase të përkohshme e cila do të parandalojë humbjen e vlerës ose shpenzimet e panevojshme për mirëmbajtje. 7. Masat e përkohshme nga paragrafi 6 i këtij neni përfshijnë por nuk kufizohen në: GAZETA ZYRTARE E REPUBLIKËS SË KOSOVËS / Nr. 23 / 26 DHJETOR 2018, PRISHTINË 85 LIGJI Nr. 06/L-087 PËR KOMPETENCAT E ZGJERUARA PËR KONFISKIMIN E PASURISË 7.1. shitjen e pasurisë me çmim të tregut; 7.2. bashkimin ose përzierjen e pasurisë; 7.3. procesimin e kulturave ose materialeve në produkte përfundimtare. 8. Administrimi dhe shitja e çfarëdo pasurie nga ky nen do të bëhet në mënyrë të tillë që të jetë në pajtueshmëri me ligjin në fuqi për administrimin e pasurive të sekuestruara ose të Konfiskuara. 9. Fondet nga shitja e çfarëdo pasurie nga ky nen do të administrohen në pajtim më legjislacionin përkatës për administrimin e pasurive të sekuestruara ose të Konfiskuara, përveç nëse parashikohet ndryshe në Kodin e Procedurërs Penale të Republikës së Kosovës.

Neni 11 Të drejtat e të pandehurit dhe palëve të treta para lëshimit të urdhrit kufizues përfundimtar 1. Brenda pesëmbëdhjetë (15) ditësh është shërbyer me kërkesën për urdhër kufizues përfundimtar, i pandehuri dhe çdo palë e tretë që pretendon të ketë një interes ligjor në cilëndo nga pasuritë e paraqitura në kërkesë, mund të paraqesë prova në Gjykatë për të provuar, në bazë të vlerësimit të gjasave se: 1.1. pasuria e paraqitur në kërkesën për verifikim të pasurisë nuk është pronë e të pandehurit siç përcaktohet në nenin 3, nënparagrafi 1.5 i këtij ligji; 1.2. pasuria e paraqitur në kërkesën për verifikim të pasurisë është pronë e të pandehurit dhe është fituar nga ai ose ajo nga të ardhurat legjitime të mjaftueshme në kohën e fitimit të pasurisë së tillë; 1.3. pasuria e paraqitur në kërkesën për verifikim të pasurisë si pasuri e transferuar është blerë nga një blerës bona fide. 2. Dëshmitë e përcaktuara në paragrafin 1 të këtij neni përfshijnë çdo provë ose çdo dokument relevant.

Neni 12 Nxjerrja e Urdhrit Kufizues Përfundimtar 1. Për çdo pjesë të pasurisë së specifikuarnga Prokurori i Shtetit në kërkesën për një urdhër kufizues përfundimtar, Gjykata nxjerr një urdhër kufizues përfundimtar nëse Prokurori i Shtetit dëshmon me prova të artikulueshme se: 1.1. pasuria është identifikuar në kërkesën për urdhër kufizues përfundimtar; 1.2. dyshimin e bazuar të përcaktuar në paragrafin 4 të nenit 8 të këtij ligji; 1.3. nevojën e përshkruar në paragrafin 5.3 të nenit 8 të këtij ligji; dhe GAZETA ZYRTARE E REPUBLIKËS SË KOSOVËS / Nr. 23 / 26 DHJETOR 2018, PRISHTINË 86 LIGJI Nr. 06/L-087 PËR KOMPETENCAT E ZGJERUARA PËR KONFISKIMIN E PASURISË 1.4. prokurori ka vepruar në përputhje me paragrafin 2 të nenit 9 të këtij ligji. 2. Pavarësisht paragrafit 1 të këtij neni, nëse i pandehuri ose cilado palë e tretë, në bazë të vlerësimit të gjasave, ka provuar kushtet e specifikuara në paragrafin 1 të nenit 11 të këtij ligji për cilindo pjesë të pasurisë të specifikuar në kërkesën e Prokurorit të Shtetit, Gjykata nuk nxjerr urdhër kufizues përfundimtar për atë pjesë të pasurisë dhe pasuria lirohet nga urdhri kufizues i përkohshëm dhe i kthehet pronarit të pasurisë, përveç nëse pasuria i nënshtrohet konfiskimit automatik siç përcaktohet në nenin përkatës të Kodit të Procedurës Penale të Republikës së Kosovës. 3. Nëse kërkesa për urdhër kufizues përfundimtar përfshinë pasurinë e sekuestruar përkohësisht, Gjykata vendos: 3.1. nëse Prokurori i Shtetit ka dëshmuar nevojën e detajuar në nënparagrafin 5.3 të nenit 8 të këtij ligji: 3.2. masat e përkohshme që janë të nevojshme në lidhje me ato pasuri të sekuestruara përkohësisht; 3.3. nëse Prokurori i Shtetit ka kërkuar për shitjen e pasurisë së sekuestruar përkohësisht sipas nënparagrafëve 5.1 dhe 7.1 të nenit 10 të këtij ligji, përkatësisht, Gjykata urdhëron shitjen e pasurisë së sekuestruar përkohësisht nëse përkatësisht janë paraqitur prova që dëshmojnë kushtet e përcaktuara në paragrafët 4 dhe 6 të nenit 10 të këtij ligji. 4. Urdhri kufizues i përkohshëm mbetet në fuqi deri momentin kur Gjykata nxjerr vendim në lidhje me kërkesën për urdhër kufizues përfundimtar. 5. Gjykata vendos në lidhje me kërkesën për një urdhër kufizues përfundimtar brenda tridhjetë (30) ditëve nga data kur është paraqitur kërkesa.

Neni 13 Urdhri Kufizues Përfundimtar 1. Urdhri kufizues përfundimtar duhet të: 1.1. përshkruan pasurinë e përfshirë në urdhrin kufizues përfundimtar; 1.2. përshkruan provën e artikulueshme, e cila demonstron dyshimin e bazuar, të përcaktuar në paragrafin 4 të nenit 8 të këtij ligji dhe domosdoshmërinë për urdhrin e kufizimit përfundimtar; 1.3. urdhëron marrësin e urdhrit për të përmbushur kushtet e urdhrit; 1.4. përshkruan të gjithë personat që mund të kenë një interes në pasuri; 1.5. përcakton datën dhe orën e lëshimit të urdhrit; 1.6. dërgohet te prokurori i Shtetit, i pandehuri dhe çdo palë të tretë të emërtuar në urdhër; GAZETA ZYRTARE E REPUBLIKËS SË KOSOVËS / Nr. 23 / 26 DHJETOR 2018, PRISHTINË 87 LIGJI Nr. 06/L-087 PËR KOMPETENCAT E ZGJERUARA PËR KONFISKIMIN E PASURISË 1.7. përshkruan masat e përkohshme për të siguruar pasurinë e sekuestruar të përkohshme; 1.8. nëse është e nevojshme, përmban arsyetimin për atë se përse kërkesa për lëshimin e urdhrit në lidhje me një send të veçantë të pasurisë është refuzuar. 2. Një urdhër kufizues përfundimtar do të ketë efektet në vijon: 2.1. çdo bankë ose institucion financiar që pranon urdhrin kufizues përfundimtar do të veprojë në përputhje me urdhrin dhe do të parandalojë menjëherë çdo aktivitet të mëtejshëm me llogarinë bankare ose çdo pronë tjetër të përshkruar në urdhër i cili e zvogëlon shumën e parave në llogarinë bankare, ose zvogëlon vlerën e pasurisë; dhe 2.2. çdo palë tjetër e cila pranon urdhrin kufizues përfundimtar do të veprojë në përputhje me kushtet e urdhrit. 3. Urdhri kufizues përfundimtar mund të përfshijë pasurinë që ndodhet në një shtet ose territor jashtë Republikës së Kosovës. 4. Urdhri kufizues përfundimtar mbetet në fuqi deri në kohën kur ndryshohet ose anulohet me një urdhër tjetër të lëshuar nga gjykata kompetente. 5. Urdhri kufizues përfundimtar thekson: “Pasuria e listuar në urdhrin e bashkangjitur të kufizimit është kufizuar dhe ju nuk jeni i lejuar të merreni me të. Nëse keni ndërmend të sfidoni kufizimin e kësaj pasurie, ju duhet të dorëzoni një ankesë në përputhje me dispozitat përkatëse të ligjit.”

Neni 14 Urdhri Kufizues i Përkohshëm për pasurinë shtesë 1. Në vijim të lëshimit të një urdhri kufizues të përkohshëm, në çdo kohë gjatë hetimit penal, pasi të jetë ngritur aktakuza, gjatë shqyrtimin kryesor dhe në vijim të përmbylljes së shqyrtimit kryesor brenda të njëjtit afat kohor, të përshkruar në nenin 4 të këtij ligji, nëse plotësohen kushtet nga neni 8 i këtij ligji, një prokuror i Shtetit mund lëshojë një urdhër kufizues të përkohshëm për pasuri shtesë të të pandehurit, siç përshkruhet në nenin 3, nënparagrafin 1.5 të këtij ligji. 2. Në vijim të lëshimit të urdhrit të kufizues të përkohshëm shtesë, zbatohen dispozitat e nenit 9 dhe nenit 11 të këtij ligji.

Neni 15 Urdhri kufizues përfundimtar për pasurinë shtesë Me pranimin e kërkesës së prokurorit të Shtetit për një urdhër shtesë kufizues përfundimtar të përcaktuar në nenin 14 të këtij ligji, gjykata vepron në përputhje me kërkesat e nenit 12 dhe 13 të këtij ligji. GAZETA ZYRTARE E REPUBLIKËS SË KOSOVËS / Nr. 23 / 26 DHJETOR 2018, PRISHTINË 88 LIGJI Nr. 06/L-087 PËR KOMPETENCAT E ZGJERUARA PËR KONFISKIMIN E PASURISË

Neni 16 Arsyet e ankesës kundër lëshimit ose mohimit të urdhrit kufizues përfundimtar 1. Prokurori i Shtetit, i pandehuri dhe çdo palë e tretë, e përcaktuar në urdhrin kufizues përfundimtar, mund të paraqesë ankesë kundër lëshimit ose refuzimi të urdhrit, brenda pesëmbëdhjetë (15) ditësh nga dita e shërbimit me urdhrin me shkrim. 2. Ankesa nuk e pezullon ekzekutimin e urdhrit. Dispozitat e kapitullit për mjetet juridike të Kodit të Procedurës Penale të Republikës së Kosovës, zbatohen mutatis mutandis. 3. I pandehuri ose një palë e tretë, sipas paragrafit 1 të këtij neni, mund të paraqesë ankesë vetëm nëse: 3.1. Prokurori i Shtetit nuk ka provuar dyshimin e bazuar, të përshkruar në paragrafin 4 të nenit 8 të këtij ligji; 3.2. Prokurori i Shtetit nuk ka provuar nevojshmërinë e përshkruar në nënparagrafin 5.3 të nenit 8 të këtij ligji; ose 3.3. i pandehuri ose pala e tretë ka dëshmuar mbi bazën e vlerësimit të gjasave, kushtet e detajuara në paragrafin 1 të nenit 11 të këtij ligji. 4. Prokurori i Shtetit, sipas paragrafit 1 të këtij neni, mund të paraqesë ankesë vetëm nëse: 4.1. Prokurori i Shtetit ka provuar dyshimin e bazuar të përshkruar në paragrafin 4 të nenit 8 të këtij ligji; 4.2. Prokurori i Shtetit ka provuar nevojshmërinë e përshkruar në nënparagrafin 5.3 të nenit 8 të këtij ligji; ose 4.3. i pandehuri ose pala e tretë nuk ka dëshmuar mbi bazën e vlerësimit të gjasave, kushtet e detajuara në paragrafin 1 të nenit 11 të këtij ligji.

Neni 17 Hetimi për Konfiskim 1. Nëse prokurori i Shtetit ka dyshimin e arsyeshëm se mund të bëhet një kërkesë për verifikim të pasurisë sipas nenit 4 të këtij ligji, mund të iniciojë një hetim për konfiskim: 1.1. në çfarëdo faze të hetimit penal; 1.2. pasi është ngritur aktakuza; 1.3. para shqyrtimin kryesor; 1.4. gjatë shqyrtimin kryesor; dhe 1.5. pas përmbylljes së shqyrtimin kryesor dhe brenda kufizimit kohor të përcaktuar në GAZETA ZYRTARE E REPUBLIKËS SË KOSOVËS / Nr. 23 / 26 DHJETOR 2018, PRISHTINË 89 LIGJI Nr. 06/L-087 PËR KOMPETENCAT E ZGJERUARA PËR KONFISKIMIN E PASURISË nenin 4 të këtij ligji. 2. Një hetim për konfiskim është një hetim mbi pasurinë e cila mund t’i nënshtrohet një kërkese për verifikim të pasurisë nga neni 4 i këtij ligji. 3. Për qëllimet e paragrafëve 1 dhe 2 të këtij neni, Prokuror i Shtetit mund të përdorë të gjitha kompetencat e përcaktuara në Kodin e Procedurës Penale të Republikës së Kosovës për hetim dhe veprime gjatë fazave para-hetimore dhe hetimore. 4. Gjykata Themelore kompetente cakton një gjyqtar për procedurat e hetimit për konfiskim nëse Kodi i Procedurës Penale të Republikës së Kosovës kërkon që të nxirret një vendim nga Gjykata.

Neni 18 Urdhër për Zbulim të Informacionit 1. Prokurori i Shtetit mund të kërkojë urdhër për zbulim të informacionit, si pjesë e hetimit të konfiskimit. 2. Urdhëri për zbulim të informacionit e autorizon Prokurorin e Shtetit që t’i dorëzojë një njoftim me shkrim çdo personi që ai/ajo ka dyshimin e arsyeshëm që ka informata relevante për hetimin për konfiskim, duke i kërkuar atij/asaj të ndërmarrë cilindo apo të gjitha, veprimet si në vijim: 2.1. përgjigjur pyetjeve menjëherë ose në një kohë dhe vend të specifikuar në njoftim; 2.2. dhënien e informacionit të specifikuar në njoftim në një kohë dhe mënyrë të specifikuar po aty; 2.3. sigurimin e dokumenteve ose dokumenteve përshkruese të specifikuara në njoftim, ose në kohën e specifikuar ose deri në kohën e specifikuar ose menjëherë, si dhe në mënyrën e specifikuar. 3. Informacioni relevant është informacion (në përmbajtjen e një dokumenti ose jo) në lidhje me të cilin prokurori i shtetit e ka dyshimin e arsyeshëm të jetë relevant për hetimin për konfiskim. 4. Kërkesa për një urdhër për zbulim të informacionit, në mes tjerash, duhet të përshkruaj se: 4.1. personi i caktuar në kërkesë është subjekt i një hetimi për konfiskim i cili po zhvillohet nga prokurori i shtetit; 4.2. urdhri kërkohet për qëllimet e hetimit; dhe 4.3. informatat të cilat mund të sigurohen në pajtueshmëri me një kusht të imponuar në urdhër ka gjasa që të jetë me vlerë domethënëse (nga vet informacioni ose jo) për hetimin për qëllim të së cilit është nxjerrë urdhri. 5. Një person kryen vepër penale nëse pa justifikim të arsyeshëm ai ose ajo dështon të veprojë në përputhje me një kusht të imponuar atij/asaj në një urdhër për zbulim të informacionit. GAZETA ZYRTARE E REPUBLIKËS SË KOSOVËS / Nr. 23 / 26 DHJETOR 2018, PRISHTINË 90 LIGJI Nr. 06/L-087 PËR KOMPETENCAT E ZGJERUARA PËR KONFISKIMIN E PASURISË 6. Një person i shpallur fajtor për një vepër penale nga paragrafi 5 i këtij neni, dhe është dënuar me; 6.1. dënim me burgim në kohëzgjatje prej tre (3) deri në dymbëdhjetë (12) muaj; 6.2. gjobë prej pesë mijë (5,000) euro; ose 6.3. që të dyja së bashku. 7. Një person kryen vepër penale nëse, duke pretenduar se vepron në përputhje me një kusht të imponuar, atij ose asaj, në bazë të një urdhri për zbulim të informacionit, ai ose ajo bën një deklaratë të cilën ai ose ajo e di, ose ka arsye të dyshojë, se është e rreme ose keq-informuese në një të dhënë materiale. 8. Një person fajtor për një vepër penale nga paragrafi 7 i këtij neni është përgjegjës për dënim me: 8.1. burgim në kohëzgjatje prej gjashtë (6) muaj deri në dy (2) vite; 8.2. gjobë prej pesëdhjetë mijë (50.000) euro; 8.3. të dyja së bashku. 9. Një person nuk mund të refuzojë zbatimin e një urdhri për dhënien e informacioneve shpjeguese, me arsyetimin se pajtueshmëria do ta inkriminonte atë person në kryerjen e një vepre penale. Çdo informacion ose material i siguruar nga personi, në pajtim me urdhrin për dhënien e informacioneve, nuk do të jetë i pranueshëm në asnjë procedurë penale kundër atij personi, përveç nëse informacioni i dhënë tejkalon qëllimin e urdhrit për dhënien e informacionit. 10. Një urdhër për zbulim të informacionit nuk përfshin të drejtën për t’i kërkuar një personi që t’i përgjigjet ndonjë pyetje të privilegjuar, që të ofrojë ndonjë informacion të privilegjuar ose të siguroj ndonjë dokument të privilegjuar, përveç që një avokati mund t’i kërkohet që të japë emrin dhe adresën e një klienti të tij ose asaj. 11. Një pyetje e privilegjuar është një pyetje që një person ka të drejtën që të refuzojë të përgjigjet në procedura të gjykatës mbi bazë të privilegjit ligjor profesional. 12. Informacioni i privilegjuar është çdo informacion të cilin personi do të kishte të drejtë të refuzojë ta japë në procedurat e gjykatës mbi bazën e privilegjit ligjor profesional siç përcaktohet në Kodin e Procedurës Penale të Republikës së Kosovës. 13. Materiali i privilegjuar është çdo material të cilin personi do të kishte të drejtë të refuzojë ta siguroj në procedurat e gjykatësmbi bazën e privilegjit ligjor profesional. 14. Prokurori i shtetit mund të marrë kopje të çdo dokumenti të siguruar në pajtim me një kusht të imponuar në urdhrin për zbulim të informacionit për t’i siguruar ato. 15. Dokumentet e tillë të siguruar mund të mbahen për aq gjatë sa të jetë e nevojshme për t’i mbajtur ato (po jo një kopje e tyre) në lidhje me hetimin për konfiskim për qëllimet për të cilat është lëshuar urdhri. GAZETA ZYRTARE E REPUBLIKËS SË KOSOVËS / Nr. 23 / 26 DHJETOR 2018, PRISHTINË 91 LIGJI Nr. 06/L-087 PËR KOMPETENCAT E ZGJERUARA PËR KONFISKIMIN E PASURISË 16. Nëse Prokurori i Shtetit ka dyshimin e arsyeshëm për të besuar se: 16.1. mund të jetë e nevojshme që dokumentet të prodhohen për qëllim të çfarëdo procedure ligjore; dhe 16.2. përndryshe dokumentet mund të mos jenë në dispozicion për ato qëllime, dokumentet e tilla mund të mbahen deri sa të përmbyllen procedurat. 17. Një kërkesë për një urdhër për zbulim të informacionit do t’i dërgohet ex parte një gjyqtari, me shkrim dhe pa një seancë dëgjimore. 18. Një kopje e urdhrit të lëshuar nga Gjykata për zbulim të informacionit do t’i shërbehet të pandehurit dhe çdo pale të emërtuar në urdhër. 19. Një kërkesë për të anuluar ose ndryshuar një urdhër për zbulim të informacionit mund të bëhet në Gjykatë nga prokurori i shtetit, ose çdo person i prekur nga urdhri. 20. Gjyqtari mund ta anuloje ose ndryshojë urdhrin.

Neni 19 Kushtet kur pasuria i nënshtrohet kompetencave të zgjeruara të konfiskimit në rast të vdekjes, të mungesës, të çrregullimit ose të pa-aftësive mendore të të pandehurit ose palës së tretë 1. Gjykata mund të vazhdojë procedurat penale dhe procedurat për konfiskimin e zgjeruar, në rastet kur ka pasuri që mund t’i nënshtrohen, ose që i nënshtrohen procedurave të konfiskimit të zgjeruar në pajtim me nenet 1 deri 18 të këtij ligji, por i pandehuri, ose pala e tretë e cila mund të ketë një interes ligjor në pasuri: 1.1. ka vdekur; 1.2. është arratisur nga republika e kosovës; 1.3. është i paarritshëm ose nuk është prezent në republikën e kosovës; ose 1.4. vuan nga ndonjë çrregullim ose paaftësi mendore; 2. Në rastin e detajuar në paragrafin 1 të këtij neni, janë të zbatueshme dispozitat në vijim: 2.1. për një të pandehur ose palë të tretë që ka vdekur, nëse nuk është angazhuar një avokat nga trashëgimtarët ligjorë të të vdekurit, gjykata do të caktojë, ose vazhdojë caktimin e një avokati për të përfaqësuar interesat e të vdekurit. 2.2. për një të pandehur ose palë të tretë që ka ikur nga Republika e Kosovës, ose është i pa-gjurmueshëm, ose i cili nuk është prezent në Kosovë, ose i cili vuan nga një çrregullim ose pa-aftësi mendore, gjykata do të caktojë një avokat, ose do vazhdojë caktimin e një avokati për të përfaqësuar interesat e të pandehurit ose të palës së tretë. GAZETA ZYRTARE E REPUBLIKËS SË KOSOVËS / Nr. 23 / 26 DHJETOR 2018, PRISHTINË 92 LIGJI Nr. 06/L-087 PËR KOMPETENCAT E ZGJERUARA PËR KONFISKIMIN E PASURISË 3. I pandehuri ose pala e tretë përfaqësohet nga avokati i caktuar në pajtim me nën-paragrafët 2.1 dhe 2.2 të këtij neni. Avokati gëzon të drejtat e të pandehurit ose të palës së tretë të përfaqësuar nga ai ose ajo. Avokati do të veprojë në interesat më të mirë të trashëgimtarit ligjor të të pandehurit të vdekur ose të të pandehurit. 4. Në bazë të propozimit nga prokurori i shtetit ose pala e dëmtuar, Gjykata mund të vazhdojë procedurën penale dhe procedurën për konfiskimin e zgjeruar nga ky nen nëse: 4.1. vlera e pasurisë që është objekt i konfiskimit të zgjeruar e kalon dhjetëmijë (10,000) euro; dhe 4.2. është në interes të drejtësisë që të vazhdohet me procedurat. 5. Nëse pasuria nuk i nënshtrohet një urdhri kufizues të përkohshëm ose përfundimtar, me qëllim të konfiskimit të zgjeruar, prokurori do të ketë nëntëdhjetë (90) ditë nga dita kur Zyrës së Prokurorit i bëhet i ditur informacioni në lidhje me një nga rastet e përshkruara në paragrafin 1 të këtij neni, që të nxjerrë një urdhër kufizues të përkohshëm, në përputhje me nenin 8 ose 14 të këtij ligji. 6. Nëse kushtet e specifikuara në paragrafin 4 të këtij neni janë përmbushur, gjykata merr një vendim për të vazhduar procedurën penale dhe procedurën e konfiskimit të zgjeruar dhe deklaron vlerën e pasurisë që është objekt i konfiskimit të zgjeruar dhe atë se përse është në interesin e drejtësisë që procedurat të vazhdohen. 7. Nëse nuk është ngritur një aktakuzë, prokurori do të ketë njëqind e tetëdhjetë (180) ditë nga dita e vendimit të gjykatës nga paragrafi 6 i këtij neni, për të ngritur një aktakuzë, e cila përshkruan pasuritë që i nënshtrohen konfiskimit të zgjeruar. Gjykata zhvillon shqyrtimin kryesor, në pajtim me Kodin e Procedurës Penale. 8. Nëse aktakuza përfshin veprat penale të përcaktuara në paragrafin 1 të nenit 2 të këtij ligji dhe është ngritur parase të ndodhë njëri nga rastet e përshkruara në paragrafin 1 të këtij neni, gjykata merr vendim në pajtim me paragrafin 6 të këtij neni dhe zhvillon shqyrtimin kryesor, në përputhje me Kodin e Procedurës Penale. 9. Gjykata merr parasysh vetëm faktet në aktakuzë që mbështesin konfiskimin e zgjeruar të pasurisë. 10. Nëse gjykata përcakton se i pandehuri ka kryer veprën penale, ajo jep një aktgjykim, i cili deklaron se i pandehuri ka kryer veprën penale. Për qëllimet e nenit 2 të këtij ligji, ky aktgjykim do të jetë ekuivalent me një aktgjykim fajësie. 11. Kundër aktgjykimit nga paragrafi 10 i këtij neni lejohet të bëhet ankesë. Kundër aktgjykimit nga paragrafi 10 i këtij neni lejohet ankesë. Dispozitat e Kapitullit për mjetet juridike të Kodit të Procedurës Penale të Republikës së Kosovës janë të zbatueshme mutatis mutandis. 12. Nëse i pandehuri nuk gjendet në ndonjërën nga situatat e paraqitura në paragrafin 1 të këtij neni, ai ose ajo do të ketë të drejtën absolute që të ekzaminohet përsëri nga një panel tjetër gjyqësor. Në rastin kur i pandehuri nuk dënohet për akuzat e renditura në aktakuzë, të cilat e mbështesin konfiskimin e zgjeruar të pasurive, gjykata e anulon gjykimin e dhënë sipas paragrafit 10 të këtij neni dhe ia kthen pasuritë të pandehurit ose palës së tretë. GAZETA ZYRTARE E REPUBLIKËS SË KOSOVËS / Nr. 23 / 26 DHJETOR 2018, PRISHTINË 93 LIGJI Nr. 06/L-087 PËR KOMPETENCAT E ZGJERUARA PËR KONFISKIMIN E PASURISË 13. Në rast se pasuritë nuk janë më në dispozicion për t’u kthyer, i pandehuri ose pala e tretë do të kenë të drejtën për kompensim për dëmet e shkaktuara nga konfiskimi i zgjeruar i pajustifikuar, në përputhje dhe mutatis mutandis me dispozitat relevante të Kodit të Procedurës Penale. KAPITULLI IV DISPOZITAT NË LIDHJE ME KONFISKIMIN E PËRFITIMIT MATERIAL OSE TË MJETEVE PËR KRYERJEN E NJË VEPRE PENALE

Neni 20 Kushtet kur pasuria i nënshtrohet konfiskimit në rastet e vdekjes, mungesës, çrregullimit ose paaftësisë mendore të të pandehurit 1. Në rastet kur ka pasuri që mund t’i nënshtrohen urdhrit kufizues të përkohshëm ose përfundimtar, një urdhër shtesë, sekuestrim përkohshëm, konfiskim i përkohshëm ose çfarëdo mase tjetër e përkohshme, me qëllim të konfiskimit përfundimtar, ose kur është ngritur një aktakuzë e cila përshkruan pasuritë që i nënshtrohen konfiskimit, por që procedurat penale nuk mund të vazhdohen, sepse i pandehuri: 1.1. ka vdekur; 1.2. është arratisur nga republika e kosovës; 1.3. është i paarritshëm ose jo prezent në republikën e kosovës; ose 1.4. vuan nga një çrregullim ose paaftësi mendore. Gjykata mund të vazhdojë procedurat penale, me qëllim të konfiskimit të përfitimeve materiale ose të mjeteve për kryerjen e veprës penale. 2. Në rastet e detajuara në paragrafin 1 të këtij neni, zbatohen dispozitat në vijim: 2.1. për një të pandehur që ka vdekur, nëse nuk është angazhuar një avokat nga trashëgimtarët ligjorë të të vdekurit, gjykata do të caktojë ose vazhdojë caktimin e një avokati për të përfaqësuar interesat e të vdekurit. 2.2. për një të pandehur që ka ikur nga Republika e Kosovës ose është i pa-gjurmueshëm, ose i cili nuk është prezent në Kosovë, ose i cili vuan nga një çrregullim, ose paaftësi mendore, gjykata do të caktojë ose vazhdojë caktimin e një avokati për të përfaqësuar interesat e të pandehurit ose të palës së tretë. 3. I pandehuri përfaqësohet nga avokati i caktuar, në pajtim me nënparagrafët 2.1 dhe 2.2 të këtij neni. Avokati gëzon të drejtat e të pandehurit ose të palës së tretë, të përfaqësuar nga ai ose ajo. Avokati do të veprojë në interesat më të mirë të trashëgimtarit ligjor të të pandehurit të vdekur ose të të pandehurit. 4. Në bazë të propozimit nga prokurori i Shtetit ose pala e dëmtuar, gjykata duhet të vazhdojë procedurën penale dhe procedurën për konfiskimin përfitimeve materiale ose të mjeteve për kryerjen e veprës penale, nëse: GAZETA ZYRTARE E REPUBLIKËS SË KOSOVËS / Nr. 23 / 26 DHJETOR 2018, PRISHTINË 94 LIGJI Nr. 06/L-087 PËR KOMPETENCAT E ZGJERUARA PËR KONFISKIMIN E PASURISË 4.1. vlera e pasurisë që është objekt i konfiskimit të zgjeruar e kalon dhjetëmijë (10,000) euro; dhe 4.2. është në interes të drejtësisë që të vazhdohet me procedurat; 5. Nëse pasuria nuk i nënshtrohen një urdhri të përkohshëm ose përfundimtar të kufizimit, ose ndonjë mase tjetër të përkohshme, siç është përcaktuar në paragrafin 1 të këtij neni, me qëllim të konfiskimit, prokurori ka nëntëdhjetë (90) ditë nga dita kur informacioni lidhur me rastet e përcaktuara në paragrafin 1 të këtij neni, është i njohur për Zyrën e Prokurorit për të lëshuar urdhër ose kërkesë për pasurinë, që të t’i nënshtrohet urdhrit kufizues të përkohshëm ose përfundimtar ose çfarëdo mase tjetër të përkohshme, siç është përcaktuar në paragrafin 1 të këtij neni, me qellim të konfiskimit. 6. Nëse kushtet e specifikuara në paragrafin 4 të nenit aktual janë përmbushur, gjykata merr një vendim për të vazhduar procedurën penale dhe deklaron vlerën e pasurisë që i nënshtrohet konfiskimit dhe atë se përse është në interesin e drejtësisë që procedurat të vazhdohen. 7. Nëse nuk është ngritur një aktakuzë, prokurori do të ketë njëqind e tetëdhjetë (180) ditë nga dita e vendimit të gjykatës nga paragrafi 6 i këtij neni, për të ngritur një aktakuzë ku përshkruhen pasuritë e specifikuara që i nënshtrohen konfiskimit. Gjykata zhvillon shqyrtimin kryesor në pajtim me Kodin e Procedurës Penale. 8. Nëse aktakuza është ngritur para se të ndodhë njëri nga rastet e përshkruara në paragrafin 1 të këtij neni, gjykata merr vendim në pajtim me paragrafin 6 të këtij neni dhe zhvillon një shqyrtimin kryesor në përputhje me Kodin e Procedurës Penale. 9. Dispozita e Kodit të Procedurës Penale për hetimin e konfiskimit zbatohet mutatis mutandis. 10. Gjykata merr parasysh vetëm akuzat në aktakuzë që mbështesin konfiskimin e pasurisë. 11. Nëse gjykata përcakton se i pandehuri ka kryer veprën penale dhe pasuritë që i nënshtrohen konfiskimit kanë qenë përfitim material ose mjete për të kryer veprën penale, nxjerr aktgjykim, i cili: 11.1. përcakton se i pandehuri ka kryer një vepër penale; 11.2. përcakton se pasuritë janë fituar nga kryerja e veprës penale nga nënparagrafi 11.1 i këtij neni, ose kanë qenë mjete për kryerjen e kësaj vepre penale; 11.3. specifikon llojin e pasurive dhe vlerën e tyre monetare; 11.4. urdhëron që kjo pasuri të transferohet në pronësi të Republikës së Kosovës ose na atë të palës së dëmtuar; 11.5. detyron palët e treta që t’ia dorëzojnë pasuritë Republikës së Kosovës ose palës së dëmtuar, nëse ato nuk janë transferuar sipas nën-paragrafit 11.4 të këtij neni, ose të paguajnë vlerën monetare të pasurisë brenda pesëmbëdhjetë (15) ditësh nga data kur aktgjykimi është bërë përfundimtar; dhe 11.6. urdhëron që të bëhen ndryshimet respektive mbi të drejtat pronësore në regjistrat GAZETA ZYRTARE E REPUBLIKËS SË KOSOVËS / Nr. 23 / 26 DHJETOR 2018, PRISHTINË 95 LIGJI Nr. 06/L-087 PËR KOMPETENCAT E ZGJERUARA PËR KONFISKIMIN E PASURISË publikë të gjykatës apo organit tjetër për llogari të Republikës së Kosovës ose palës së dëmtuar, siç është më e përshtatshme. 12. Kundër aktgjykimit nga paragrafi 11 i këtij neni lejohet të bëhet ankesë. Dispozitat e kapitullit për mjetet juridike të Kodit të Procedurës Penale të Republikës së Kosovës, zbatohen mutatis mutandis. 13. Nëse i pandehuri nuk gjendet në ndonjërën nga situatat e paraqitura në paragrafin 1 të këtij neni, ai ose ajo do të ketë të drejtën absolute që të gjykohet përsëri nga një panel tjetër gjyqësor. 14. Në rastin kur i pandehuri nuk dënohet për akuzat e renditura në aktakuzë, të cilat e mbështesin konfiskimin e pasurive, gjykata e anulon aktgjykimin e dhënë sipas paragrafit 11 të këtij neni dhe ia kthen pasuritë të pandehurit. 15. Në rast se pasuritë nuk janë më në dispozicion për t’u kthyer, i pandehuri ka të drejtën për kompensim për dëmet e shkaktuara nga konfiskimi i pajustifikuar, në përputhje dhe mutatis mutandis me dispozitat relevante të Kodit të Procedurës Penale. KAPITULLI V DISPOZITAT KLIMTARE DHE PËRFUNDIMTARE

Neni 21 Bashkëpunimi Juridik Ndërkombëtar 1. Urdhrat e përkohshëm dhe përfundimtar kufizues dhe urdhrat për konfiskim të lëshuar në pajtim me këtë ligj, mund të përfshijnë pasuri që ndodhen si brenda dhe jashtë territorit të Republikës së Kosovës. 2. Në çdo rast të përcaktuar nga ky ligj, në rastet kur pasuria ndodhet në një vend apo territor jashtë Republikës së Kosovës, autoriteti kompetent kërkon ndihmë nga qeveria e atij shteti ose territori për të zbatuar urdhrin kufizues të përkohshëm dhe përfundimtar ose urdhrin për konfiskim në territorin e shtetit të tillë, në përputhje me legjislacionin në fuqi për bashkëpunim juridik ndërkombëtar në çështjet penale të Republikës të Kosovës.

Neni 22 Ekzekutimi i vendimit të gjykatës në lidhje me pasuritë e konfiskuara Urdhri për konfiskimin e pasurisë që konfiskohen sipas procedurës së përcaktuar nga ky ligj ekzekutohet në përputhje me Kodin e Procedurës Penale dhe këtë Ligj.

Neni 23 Kërkesat për verifikim të pasurisë Kërkesat për verifikimi të pasurisë të bëra sipas nenit 4 të këtij ligji, nuk do të bëhen sipas këtij ligji kur ato paraqiten kundër të pandehurit të dënuar para hyrjes në fuqi të këtij ligj. GAZETA ZYRTARE E REPUBLIKËS SË KOSOVËS / Nr. 23 / 26 DHJETOR 2018, PRISHTINË 96 LIGJI Nr. 06/L-087 PËR KOMPETENCAT E ZGJERUARA PËR KONFISKIMIN E PASURISË

Neni 24 Shpenzimet procedurale 1. Shpenzimet procedurale përfshijnë shpenzimet për sekuestrimin e përkohshëm, konfiskimin, menaxhimin, tarifat për avokatin mbrojtës dhe shpenzime tjera të justifikuara. 2. Dispozitat e Kapitullit XXIV të Kodit të Procedurës Penale të Republikës së Kosovës në lidhje me Shpenzimet e Procedurave Penale zbatohen për shpenzimet procedurale në kuadër të këtij ligji.

Neni 25 Shfuqizimi i dispozitave Me hyrjen në fuqi të këtij ligji, shfuqizohet Ligji për kompetencat e zgjeruara të konfiskimit të pasurisë së fituar me vepër penale (Ligji Nr. 04/L-140).

Neni 26 Hyrja në Fuqi Ky Ligj hyn në fuqi pesëmbëdhjetë (15) ditë pas publikimit në Gazetën Zyrtare të Republikës së Kosovës. Ligji Nr. 06/L-087 23 nëntor 2018 Shpallur me dekretin Nr. DL-061-2018, datë 13.12.2018 nga Presidenti i Republikës së Kosovës Hashim Thaçi