LIGJI NR. 08/L-037 PËR NDRYSHIMIN DHE PLOTËSIMIN E LIGJIT NR. 02/L-76 PËR SHËNDETIN RIPRODHUES

GAZETA ZYRTARE E REPUBLIKËS SË KOSOVËS / Nr. 3 / 19 JANAR 2022, PRISHTINË LIGJI NR. 08/L -037 PËR NDRYSHIMIN DHE PLOTËSIMIN E LIGJIT NR. 02/L-76 PËR SHËNDETIN RIPRODHUES 7 LIGJI NR. 08/L -037 PËR NDRYSHIMIN DHE PLOTËSIMIN E LIGJIT NR. 02/L-76 PËR SHËNDETIN RIPRODHUES Kuvendi i Republikës së Kosovës, Në mbështetje të nenit 65 (1) të Kushtetutës së Republikës së Kosovës, Miraton: LIGJ PËR NDRYSHIMIN DHE PLOTËSIMIN E LIGJIT NR. 02/L-76 PËR SHËNDETIN RIPRODHUES

Neni 1 Qëllimi Qëllimi i këtij ligji është ndryshimi dhe plotësimi i Ligjit Nr. 02/L-76 për Shëndetin Riprodhues (në tekstin e mëtejmë: ligji), dhe harmonizimi i tij me Ligjin nr. 05/L-087 për Kundërvajtje.

Neni 2 Titulli i kapitullit X dhe neni 35 i ligjit ndryshohet dhe plotësohet si vijon: Kapitulli X Sanksioni kundërvajtës me gjobë 1. Me gjobë në shumë prej një mijë (1,000) e deri në njëzet mijë (20,000) euro dënohet për kundërvajtje institucioni shëndetësor, nëse çdo individi dhe çifteve: 1.1. masat e parandalimit, mbikëqyrjes, diagnostikimi dhe trajtimi i infeksioneve seksualisht të trans- metueshme, duke u mbështetur në standardet dhe protokollet shëndetësore të përcaktuara në evidencë, akte ligjore dhe nënligjore nuk ofrohen nga specialistët sipas nenit 26 të ligjit; 1.2. vepron në kundërshtim me nenin 19, 20, 22 dhe 23 të ligjit dënohet me gjobë për kundërvajtje prej pesë mijë (5,000) e deri në njëzet mijë (20,000) euro. 2. Për kundërvajtje nga paragrafi 1.1. dhe 1.2. i këtij neni, dënohet me gjobë në shumë prej pesëqind (500) e deri në dy mijë (2,000) euro edhe personi përgjegjës në institucionin shëndetësor. 3. Me gjobë në shumë prej pesëqind (500) e deri në një mijë (1,000) euro dënohet për kundërvajtje profe- sionisti shëndetësor sipas nenit 9.2, nenit 15, nenit 16, neni 19, nenit 20, nenit 22, nenit 23 dhe nenit 26 të ligjit.

Neni 3 Hyrja në fuqi Ky ligj hyn në fuqi pesëmbëdhjetë (15) ditë pas publikimit në Gazetën Zyrtare të Republikës së Kosovës. Ligji Nr. 08/L-037 24 dhjetor 2021 Shpallur me dekretin Nr. DL-42/2022, datë 13.01.2022 nga Presidentja e Republikës së Kosovës Vjosa Osmani-Sadriu