LIGJI NR. 08/L-044 PËR NDRYSHIMIN DHE PLOTËSIMIN E LIGJIT NR. 03/L-110 PËR NDËRPRERJEN E SHTATZËNËSISË

GAZETA ZYRTARE E REPUBLIKËS SË KOSOVËS / Nr. 3 / 19 JANAR 2022, PRISHTINË 19 LIGJI NR. 08/L-044 PËR NDRYSHIMIN DHE PLOTËSIMIN E LIGJIT NR. 03/L-110 PËR NDËRPRERJEN E SHTATZËNËSISË LIGJI NR. 08/L-044 PËR NDRYSHIMIN DHE PLOTËSIMIN E LIGJIT NR. 03/L-110 PËR NDËRPRERJEN E SHTATZËNËSISË Kuvendi i Republikës së Kosovës, Në mbështetje të nenit 65 (1) të Kushtetutës së Republikës së Kosovës, Miraton: LIGJ PËR NDRYSHIMIN DHE PLOTËSIMIN E LIGJIT NR. 03/L-110 PËR NDËRPRERJEN E SHTATZËNË- SISË

Neni 1 Qëllimi Qëllimi i këtij ligji është ndryshimi dhe plotësimi i Ligjit Nr. 03/L-110 për Ndërprerjen e Shtatzënësisë (në tekstin e mëtejmë: ligji), dhe harmonizimi i tij me Ligjin nr. 05/L-087 për Kundërvajtje.

Neni 2

Neni 23 i ligjit ndryshohet dhe plotësohet si në vijim:

Neni 23 Sanksioni kundërvajtës me gjobë 1. Me gjobë në shumë prej pesëqind (500) e deri në njëzet mijë (20,000) euro dënohet për kundërvajtje personi juridik - institucioni shëndetësor nëse: 1.1. e kryen ndërprerjen e shtatzënësisë në kundërshtim me nenet 4 dhe 5 të ligjit; 1.2. e kryen ndërprerjen e shtatzënësisë ndërsa nuk i plotëson kushtet nga neni 15 i ligjit; 1.3. ndërprenë shtatzënësinë për arsye kriminologjike në kundërshtim me nenin 16 të ligjit; 1.4. bën promovimin dhe reklamimin, direkt ose indirekt, me fjalë apo figurë, të institucioneve, meto- dave, medikamenteve e produkteve që shkaktojnë ndërprerje të shtatzënësisë, përveç se në botimet shkencore të destinuara për mjekë dhe farmacistë sipas nenit 20 të ligjit; 1.5. nuk raporton për të dhënat statistikore lidhur me ndërprerjen e shtatzënësisë sipas nenit 21 të ligjit. 2. Me gjobë në shumë prej gjashtëdhjetë (60) euro e deri në dy mijë (2,000) euro dënohet për kundërvajtje nga paragrafi 1, nënparagrafët 1.1, 1.2, 1.3, 1.4, 1.5 dhe 1.6 të këtij neni personi përgjegjës i personit juridik. 3. Me gjobë në shumë prej gjashtëdhjetë (60) euro e deri në dymijë (2,000) euro dënohet për kundërvajtje nga paragrafi 1, nënparagrafët 1.1, 1.2, 1.3, 1.4 dhe 1.5 të këtij neni edhe profesionisti shëndetësor i cili kryen ndërprerjen e shtatzënësisë. GAZETA ZYRTARE E REPUBLIKËS SË KOSOVËS / Nr. 3 / 19 JANAR 2022, PRISHTINË 20 LIGJI NR. 08/L-044 PËR NDRYSHIMIN DHE PLOTËSIMIN E LIGJIT NR. 03/L-110 PËR NDËRPRERJEN E SHTATZËNËSISË

Neni 3 Hyrja në fuqi Ky ligj hyn në fuqi pesëmbëdhjetë (15) ditë pas publikimit në Gazetën Zyrtare të Republikës së Kosovës. Ligji Nr. 08/L-044 24 dhjetor 2021 Shpallur me dekretin Nr. DL-47/2022, datë 13.01.2022 nga Presidentja e Republikës së Kosovës Vjosa Osmani-Sadriu