LIGJI NR. 08/L-046 PËR NDRYSHIMIN DHE PLOTËSIMIN E LIGJIT NR. 02/L-109 PËR PARANDALIMIN DHE LUFTIMIN E SËMUNDJEVE NGJITËSE

GAZETA ZYRTARE E REPUBLIKËS SË KOSOVËS / Nr. 12 / 11 MAJ 2022, PRISHTINË 7 LIGJI NR. 08/L-046 PËR NDRYSHIMIN DHE PLOTËSIMIN E LIGJIT NR. 02/L-109 PËR PARANDALIMIN DHE LUFTIMIN E SËMUNDJEVE NGJITËSE LIGJI NR. 08/L-046 PËR NDRYSHIMIN DHE PLOTËSIMIN E LIGJIT NR. 02/L-109 PËR PARANDALIMIN DHE LUFTIMIN E SËMUNDJEVE NGJITËSE Kuvendi i Republikës së Kosovës, Në bazë të nenit 65 (1) të Kushtetutës së Republikës së Kosovës, Miraton: LIGJ PËR NDRYSHIMIN DHE PLOTËSIMIN E LIGJIT NR. 02/L-109 PËR PARANDALIMIN DHE LUFTIMIN E SËMUNDJEVE NGJITËSE

Neni 1 Qëllimi Qëllimi i këtij ligji është ndryshimi dhe plotësimi i Ligjit Nr. 02/L-109 për Parandalimin dhe Luftimin e Sëmundjeve Ngjitëse (në tekstin e mëtejmë: ligji), dhe harmonizimi i tij me Ligjin Nr. 05/L-087 për Kundërvajtje.

Neni 2 1. Në nenin 3, paragrafi 3.1 të ligjit, pas fjalëve “P35.1 Infeksioni kongjenital me Citomegalovirus” shtohet sëmundja e re ngjitëse si vijon: P35.2 “Sëmundjet COVID-19 të shkaktuara me virusin – SARS-CoV-2”. 2. Në nenin 3, paragrafi 3.2 të ligjit, fjala “vendin” zëvendësohet me fjalinë: “popullsinë e Republikës së Kosovës”, ndërsa fjalët “Ministria e” zëvendësohet me fjalët “Ministri i”.

Neni 3 1.

Neni 7, paragrafi 7.1. i ligjit ndryshohet si vijon: 7.1. Qeveria sipas propozimit të Ministrisë së Shëndetësisë përcakton gjendjen emergjente për shëndetin publik nga epidemia e sëmundjes ngjitëse dhe cakton territorin e infektuar.” 2. Në nenin 7, paragrafi 7.2. ndryshohet dhe plotësohet si në vijim: Ministria e Shëndetësisë propozon mbështetje financiare nga Qeveria në raste të gjendjes emergjente për shëndetin publik.

Neni 4 1. Në nenin 17, paragrafin 17.1. të këtij ligji pas fjalës “meningjitet” shtohen fjalët “COVID-19 të shkaktuar me virusin SARS-CoV-2”. 2. Në nenin 17, paragrafi 17.2. të këtij ligji, pas fjalës “SARS” shtohen fjalët “COVID - 19 të shkaktuar me virusin SARS-CoV-2”.

Neni 5 Në nenin 33 paragrafi 33.1. të ligjit, pas fjalës “variola” shtohen fjalët “COVID-19 të shkaktuar me virusin SARS-CoV-2”. GAZETA ZYRTARE E REPUBLIKËS SË KOSOVËS / Nr. 12 / 11 MAJ 2022, PRISHTINË 8 LIGJI NR. 08/L-046 PËR NDRYSHIMIN DHE PLOTËSIMIN E LIGJIT NR. 02/L-109 PËR PARANDALIMIN DHE LUFTIMIN E SËMUNDJEVE NGJITËSE

Neni 6 1. Në nenin 41, paragrafin 41.1. të ligjit pas fjalës “SARS-it” shtohen fjalët “COVID-19 të shkaktuar me virusin SARS-CoV-2”. 2. Në nenin 41, paragrafin 41.2. të ligjit pas fjalës “SARS” shtohen fjalët “COVID-19 të shkaktuar me virusin SARS-CoV-2, ndërsa pas nën-paragrafit d) të këtij neni, shtohen nën-paragrafët e) dhe f) si vijon: e) izolimin e personave në shtëpi apo në hapësirën tjetër përkatëse – vetizolimi; dhe f) masa tjera përkatëse.

Neni 7 1.

Neni 53 ndryshohet dhe plotësohet si vijon: 1. Me gjobë prej një mijë (1,000) deri në njëzet mijë (20,000) euro dënohet për kundërvajtje personi juridik nëse: a) organet kompetente për zbatimin e masave parandaluese dhe trajtimin e të sëmurëve hasin në pengesa gjatë hyrjes në institucione shëndetësore publike e private, objekte banuese, ndërmarrje punuese, për të bërë hulumtimin epidemiologjik, izolimin, hospitalizimin, mbikëqyrjen shëndetësore të kontakteve, vaksinimin, depistimin, dezinfektimin, denzinsektim dhe deratizimin dhe trajtimin profilaktik (më tej: DDD); b) konstaton dhe nuk paraqet sëmundjen, vdekjen nga sëmundja ngjitëse, epideminë, tajimin e shkaktarëve të sëmundjeve të caktuara ngjitëse, bartjen e viruseve të hepatitit B dhe C, bartjen e virusit të HIV-it, bartjen e parazitëve të malarjes, lëndimin nga kafsha e tërbuar ose nga kafsha për të cilin dyshohet se është e tërbuar (neni 13, 14 dhe 15); c) sipas mënyrës së paraparë nuk kryhet dezinfektimi, parandalimi i tajimeve, gjësendeve personale dhe sendeve tjera, pajisjeve, i dhomave dhe hapësirave shëndetësore, të shkollave dhe institucioneve tjera për fëmijë dhe të rinjë (neni 19 dhe 20); d) me rastin e shfaqjes së sëmundjeve ngjitëse nuk është kryer dezinfektimi i personave dhe i gjësendeve personale, hapësirave të banimit, i hapësirave tjera dhe deratizimi në qendrat e banimit, aeroporte, në mjetet e tjera të komunikacionit publik, në depot dhe lokalet e tjera të punës (neni 21 dhe 22); e) nuk e zbaton masën e përgjithshme ose të posaçme për mbrojtje nga sëmundjet ngjitëse kur kjo është e domosdoshme në bazë të programit të organit kompetent apo kur nuk e zbaton atë brenda afatit të paraparë me këtë program (neni 9); f) nuk e kryen DDD e detyrueshme sipas neneve 19 deri 23 të ligjit; g) pranon në punë, përkatësisht mban në punë aktive personin për të cilin është konstatuar se lëngon nga sëmundja e caktuar ngjitëse ose tajon bacile të sëmundjes së tillë, ose nëse nuk siguron kontrollet periodike shëndetësore për personat që janë në punë e që ushtrojnë veprimtari të caktuara (neni 26 dhe 27); h) nuk ia bën të mundshme organit kompetent shëndetësor që t’i kryejë kontrollet e parashikuara të personave, të ndërtesave dhe të produkteve, ose të marrë materialin e nevojshëm për kontroll, me qëllim të parandalimit e të luftimit të sëmundjeve ngjitëse (neni 40); i) nuk vepron në bazë të vendimit të ekzekutueshëm të organit kompetent për punët e GAZETA ZYRTARE E REPUBLIKËS SË KOSOVËS / Nr. 12 / 11 MAJ 2022, PRISHTINË 9 LIGJI NR. 08/L-046 PËR NDRYSHIMIN DHE PLOTËSIMIN E LIGJIT NR. 02/L-109 PËR PARANDALIMIN DHE LUFTIMIN E SËMUNDJEVE NGJITËSE kontrollit sanitar me të cilin është dhënë urdhëri për marrjen e masave të caktuara për mbrojtje nga sëmundjet ngjitëse (neni 43 dhe 45). 2. Për kundërvajtjen nga paragrafi 1 i këtij neni dënohet personi përgjegjës në personin juridik me gjobë në shumë prej njëqind (100) deri në dy mijë (2,000) euro.

Neni 8 1.

Neni 54 i këtij ligji fshihet. 2.

Neni 55 bëhet neni 54 duke u ndryshuar dhe plotësuar me sa vijon:

Neni 54 1. Me gjobë në shumë prej njëqind (100) deri në dy mijë (2,000) euro dënohet për kundërvajtje personi fizik: a) nëse refuzon të hospitalizohet dhe izolohet në institucionin shëndetësor, përkatësisht në objektin e caktuar për këtë qëllim kur është sëmurë ose kur dyshohet se është sëmurë nga sëmundja e caktuar ngjitëse sipas nenit 17 të ligjit; b) nëse aplikon për punësim, përkatësisht vazhdon të punojë në mënyrë aktive ndonëse është informuar se lëngon nga sëmundja e caktuar ngjitëse apo se tajon shkaktarin e sëmundjes ngjitëse, ose në qoftë se nuk i përmbahet kontrolleve të obliguara shëndetësore për personat që kryejnë veprimtarinë e caktuar sipas neneve 24, 25, 26 dhe 27 të ligjit; c) nëse gjatë kohës së nën-mbikëqyrjes shëndetësore, nuk i paraqitet çdo ditë institucionit të caktuar shëndetësor ose nëse nuk i nënshtrohet kontrolleve të nevojshme shëndetësore sipas nenit 34 të ligjit; d) nëse nxjerrë nga varri ose transporton personin e vdekur në mënyrën dhe kushtet që mund të përhapin sëmundjen ngjitëse, ose nëse bën transportin e kufomës pa leje të organit kompetent sipas nenit 35 të ligjit; e) nëse nuk i plotëson kushtet sanitare ose kushtet e tjera të caktuara me ligj, lidhur me udhëtimin në vendet ku ekzistojnë sëmundjet ngjitëse sipas nenit 38 të ligjit; f) nëse nuk ia bën të mundshme organit kompetent që të ushtrojë kontrollet e paparashikuara shëndetësore të personave ose kontrollin e objekteve ose të prodhimeve ushqimore, ose të marrë materialin e nevojshëm për t’a kontrolluar, ose të ndërmarr masa të tjera të parashikuara, përkatësisht të caktuara për parandalimin ose luftimin e sëmundjeve ngjitëse sipas nenit 40 të ligjit; g) nëse nuk vepron sipas vendimit të ekzekutueshëm të organit kompetent për punët e mbikëqyrjes sanitare, me të cilin është dhënë urdhër për marrjen e masave të caktuara për mbrojtjen nga sëmundjet ngjitëse sipas neneve 43, 44 dhe 45 të ligjit; h) nëse ushtron veprimtari të caktuar pa kontrollin paraprak sanitar ose në qoftë se refuzon që t’i nënshtrohet kontrollit sanitar gjatë ushtrimit të këtyre veprimtarive, ose në qoftë se me rastin e hyrjes në Kosovë refuzon t’i nënshtrohet kontrollit sanitar, atëherë kur është i detyrueshëm që ta bëjë këtë sipas neneve 24, 25, 26 dhe 27 të ligjit; i) nëse refuzon imunizimin, vaksinoprofilaksën, seroprofilaksën dhe kimioprofilaksën kundër sëmundjeve të caktuara ngjitëse sipas neneve 28, 31 dhe 32 të ligjit; j) nuk e zbaton masën e përgjithshme ose të posaçme për mbrojtje nga sëmundjet GAZETA ZYRTARE E REPUBLIKËS SË KOSOVËS / Nr. 12 / 11 MAJ 2022, PRISHTINË 10 LIGJI NR. 08/L-046 PËR NDRYSHIMIN DHE PLOTËSIMIN E LIGJIT NR. 02/L-109 PËR PARANDALIMIN DHE LUFTIMIN E SËMUNDJEVE NGJITËSE ngjitëse kur kjo është e domosdoshme në bazë të programit të organit kompetent apo kur nuk e zbaton atë brenda afatit të paraparë me këtë program (neni 9); k) nuk e kryen DDD e detyrueshme sipas nenit 19 të ligjit. 2. Për kundërvajtje nga paragrafi 1 i këtij neni dënohet edhe prindi ose kujdestari me gjobë prej pesëdhjetë (50) deri në një mijë e pesëqind (1,500) euro.

Neni 9 Pas nenit 54 shtohet neni i ri 55 si vijon:

Neni 55 Për çdo shkelje të dispozitave të këtij Ligji inspektori sanitar i Inspektoratit Sanitar, në pajtim me nenin 30 të Ligjit për Kundërvajtje, sanksionin kundërvajtës të shqiptuar me gjobë me urdhër kundërvajtës mundet t’a paguaj menjëherë në vend në shumë prej 500 euro.

Neni 10 Hyrja në fuqi Ky ligj hyn në fuqi pesëmbëdhjetë (15) ditë pas publikimit në Gazetën Zyrtare të Republikës së Kosovës. Ligji Nr. 08/L-046 19 prill 2022 Shpallur me dekretin Nr. DL-119/2022, datë 04.05.2022 nga Presidentja e Republikës së Kosovës Vjosa Osmani-Sadriu