LIGJI NR.08/L-048 PËR NDRYSHIMIN DHE PLOTËSIMIN E LIGJIT NR. 02/L-78 PËR SHËNDETËSI PUBLIKE

GAZETA ZYRTARE E REPUBLIKËS SË KOSOVËS / Nr. 12 / 11 MAJ 2022, PRISHTINË 5 LIGJI NR.08/L-048 PËR NDRYSHIMIN DHE PLOTËSIMIN E LIGJIT NR. 02/L-78 PËR SHËNDETËSI PUBLIKE LIGJI NR.08/L-048 PËR NDRYSHIMIN DHE PLOTËSIMIN E LIGJIT NR. 02/L-78 PËR SHËNDETËSI PUBLIKE Kuvendi i Republikës së Kosovës, Në mbështetje të nenit 65 (1) të Kushtetutës së Republikës së Kosovës, Miraton: LIGJ PËR NDRYSHIMIN DHE PLOTËSIMIN E LIGJIT NR. 02/L-78 PËR SHËNDETËSI PUBLIKE

Neni 1 Qëllimi Qëllimi i këtij ligji është ndryshimi dhe plotësimi i Ligjit Nr. 02/L-78 për Shëndetësi Publike (në tekstin e mëtejmë: ligji), dhe harmonizimi i tij me Ligjin Nr. 05/L-087 për Kundërvajtje.

Neni 2 Titulli i kapitullit XVIII dhe neni 37 i ligjit ndryshohet dhe plotësohet si vijon: “KAPITULLI I XVIII SANKSIONI KUNDËRVAJTËS ME GJOBË

Neni 37 1. Me gjobë në shumë prej dhjetë mijë (10,000) e deri në pesëmbëdhjetë mijë (15,000) euro dënohen për kundërvajtje institucionet shëndetësore nëse nuk bëjnë: 1.1. identifikimin dhe vlerësimin e hershëm të nevojave të bashkësisë dhe individëve lidhur me shëndetin, gjendjeve para sëmundjeve, sëmundjeve e ndërlikimeve shëndetësore dhe identifikimin e hershëm të faktorëve që çojnë kah zhvillimi i proceseve jonormale shëndetësore, gjegjësisht ato të cilat çrregullojnë mirëqenien e plotë fizike, mentale dhe sociale sipas nenit 27, paragrafi 27.1. të ligjit; 1.2. njoftojnë popullatën lidhur me mundësitë për t’iu shmangur faktorëve të rrezikut dhe eliminimit të tyre duke përdorur mjetet dhe metodat që mbrojnë shëndetin, për mundësitë dhe përparësitë e ngritjes së rezistencës së organizmit ndaj faktorëve patogjen dhe faktorëve të tjerë të dëmshëm për shëndetin, në mënyrë të veçantë grupet më sensitive për rolin e zhvillimit të aktiviteteve të promovimit dhe edukimit shëndetësor, me qëllim të zvogëlimit të faktorëve të rrezikut sipas nenit 27, paragrafi 27.2. të ligjit. 2. Për kundërvajtjet e parapara në nenin 27, paragrafët 1 dhe 2, personi përgjegjës në institucionin shëndetësor, profesionistët shëndetësor dënohet me gjobë prej pesëqind (500) e deri në një mijë e pesëqind (1,500) euro. 3. Për kundërvajtjet e parapara në nenin 27, paragrafët 1 dhe 2, personi fizik dënohet me gjobë prej njëqind (100) e deri në pesëqind (500) euro. GAZETA ZYRTARE E REPUBLIKËS SË KOSOVËS / Nr. 12 / 11 MAJ 2022, PRISHTINË 6 LIGJI NR.08/L-048 PËR NDRYSHIMIN DHE PLOTËSIMIN E LIGJIT NR. 02/L-78 PËR SHËNDETËSI PUBLIKE

Neni 3 Në kapitullin XIX të ligjit, fjalët “disiplinore dhe” fshihen.

Neni 4 Ky ligj hyn në fuqi pesëmbëdhjetë (15) ditë pas publikimit në Gazetën Zyrtare të Republikës së Kosovës. Ligji Nr.08/L-048 19 prill 2022 Shpallur me dekretin Nr. DL-118/2022, datë 04.05.2022 nga Presidentja e Republikës së Kosovës Vjosa Osmani-Sadriu