LIGJI NR. 08/L-081 PËR NDRYSHIMIN DHE PLOTËSIMIN E LIGJIT NR.04/L-085 PËR BUJQËSI ORGANIKE

GAZETA ZYRTARE E REPUBLIKËS SË KOSOVËS / Nr. 29 / 1 SHTATOR 2022, PRISHTINË 3 LIGJI NR.08/L-081 PËR NDRYSHIMIN DHE PLOTËSIMIN E LIGJIT NR.04/L-085 PËR BUJQËSI ORGANIKE LIGJI NR.08/L-081 PËR NDRYSHIMIN DHE PLOTËSIMIN E LIGJIT Nr.04/L-085 PËR BUJQËSI ORGANIKE Kuvendi i Republikës së Kosovës, Në mbështetje të Nenit 65 (1) të Kushtetutës së Republikës së Kosovës, Miraton: LIGJ PËR NDRYSHIMIN DHE PLOTËSIMIN E LIGJIT Nr.04/L-085 PËR BUJQËSI ORGANIKE

Neni 1 Qëllimi Qëllimi i këtij ligji është ndryshimi dhe plotësimi i Ligjit Nr.04/L-085 për Bujqësi Organike dhe harmonizimi i tij me Ligjin për Kundërvajtje.

Neni 2

Neni 34 i ligjit bazik ndryshohet dhe plotësohet si në vijim:

Neni 34 Sanksioni kundërvajtës me gjobë 1. Me gjobë jo më pak se njëmijë (1.000) euro dhe jo më shumë se pesëmbëdhjetëmijë (15.000) euro dënohet për kundërvajtje personi juridik nëse: 1.1 prodhimi i ushqimeve organike të përpunuara nuk është bazuar në parimet specifike të parapara me nenet 6, 7 dhe 8 të ligjit bazik; 1.2 në prodhimin organik përdoren organizma të modifikuar gjenetikisht në kundërshtim me nenin 9 të ligjit bazik; 1.3 për trajtimin e ushqimit organik apo të ushqimit organik për kafshë, apo lëndëve të para që përdoren në ushqim organik ose ushqim organik për kafshë përdorë rrezatime jonizuese në kundërshtim me nenin 10 të ligjit bazik; 1.4 ferma bujqësore nuk drejtohet në pajtim me rregullat e përgjithshme të prodhimit sipas nenit 11 të ligjit bazik; 1.5 nuk zbaton rregullat e prodhimtarisë bimore sipas nenit 12 të ligjit bazik; 1.6 nuk zbaton rregullat e prodhimit blegtoral në pajtim me nenin 13 të ligjit bazik; 1.7 fermat bujqësore nuk i përfillin rregullat e konvertimit të përcaktuara me nenin 16 të ligjit bazik; 1.8 vendosja e etiketës përkatësisht emërtimet që përdoren në prodhimin organik bëhet në kundërshtim me nenin 22 të ligjit bazik; GAZETA ZYRTARE E REPUBLIKËS SË KOSOVËS / Nr. 29 / 1 SHTATOR 2022, PRISHTINË 4 LIGJI NR.08/L-081 PËR NDRYSHIMIN DHE PLOTËSIMIN E LIGJIT NR.04/L-085 PËR BUJQËSI ORGANIKE 1.9 autoriteti i kontrollit dhe trupat e kontrollit nuk lejojnë qasje në zyret dhe objektet e tyre në pajtim me nenin 27 të ligjit bazik. 1.10 qasja në sistemin e kontrollit bëhet në kundërshtim me nenin 30 të ligjit bazik. 2. Për kundërvajtjet nga paragrafi 1 i këtij neni, personi fizik dhe personi përgjegjës i personit juridik dënohet me gjobë jo më pak se treqind (300) euro dhe jo më shumë se njëmijepesëqind (1.500) euro. 3. Për kundërvajtjet nga paragrafi 1 i këtij neni, personi fizik i cili ushtron biznes individual dënohet me gjobë jo më pak se pesëqind (500) euro dhe jo më shumë se katërmijë (4.000) euro.

Neni 3 Shqiptimi i sanksioneve kundërvajtëse me gjobë të përcaktuara në këtë ligj bëhet në përputhje me legjislacionin përkatës në fuqi për kundërvajtjet.

Neni 4 Hyrja në fuqi Ky ligj hyn në fuqi pesëmbëdhjetë (15) ditë pas publikimit në Gazetën Zyrtare të Republikës së Kosovës. Ligji Nr.08/L-081 4 gusht 2022 Shpallur me dekretin Nr. DL-287/2022, datë 22.08.2022 nga Presidentja e Republikës së Kosovës Vjosa Osmani-Sadriu