LIGJI NR.08/L-085 PËR NDRYSHIMIN DHE PLOTËSIMIN E LIGJIT Nr .2004/13 PËR MATERIALIN FIDANOR

GAZETA ZYRTARE E REPUBLIKËS SË KOSOVËS / Nr. 26 / 24 GUSHT 2022, PRISHTINË 5 LIGJI NR.08/L-085 PËR NDRYSHIMIN DHE PLOTËSIMIN E LIGJIT NR.2004/13 PËR MATERIALIN FIDANOR LIGJI NR.08/L-085 PËR NDRYSHIMIN DHE PLOTËSIMIN E LIGJIT Nr.2004/13 PËR MATERIALIN FIDANOR Kuvendi i Republikës së Kosovës, Në mbështetje të Nenit 65 (1) të Kushtetutës së Republikës së Kosovës, Miraton: LIGJ PËR NDRYSHIMIN DHE PLOTËSIMIN E LIGJIT Nr.2004/13 PËR MATERIALIN FIDANOR

Neni 1 Qëllimi Qëllimi i këtij ligji është ndryshimi dhe plotësimi i Ligjit Nr.2004/13 për Materialin Fidanor dhe harmonizimi i tij me Ligjin për Kundërvajtje.

Neni 2

Neni 21 i ligjit bazik ndryshohet dhe plotësohet si në vijim:

Neni 21 Kundërvajtjet 21.1. Me gjobë jo më pak se tremijë (3.000) euro dhe jo më shumë se njëzetmijë (20.000) euro dënohet për kundërvajtje personi juridik, ndërsa gjoba për personin fizik dhe personin përgjegjës të personit juridik, nuk mund të jetë më pak se tridhjetë (30) euro, dhe jo më shumë se dymijë (2.000) euro nëse: a) prodhon, tregton dhe vë në qarkullim materialin fidanor e nuk është regjistruar në regjistrin e prodhuesve në pajtim me nenin 3 të ligjit bazik; b) prodhon, tregton dhe vë në qarkullim materialin fidanor, cilësia dhe shëndeti i të cilit është në kundërshtim me standardet e përcaktuara me nenin 13 të ligjit bazik; c) bën importin dhe eksportin e materialit fidanor dhe paketon, etiketon apo ruan materialin fidanor në kundërshtim me nenin 14 të ligjit bazik; d) nuk mbanë dhe nuk deklaron shënimet për sasinë, llojin dhe varietetin e materialit fidanor sipas nenit 7 të ligjit bazik; e) pengon personin e autorizuar për inspektimin e prodhimit, tregtimit, vënies në qarkullim, paketimit, etiketimit, ruajtjes dhe transportimit të materialit fidanor sipas neneve 9 dhe 10 të ligjit bazik. 21.2. Për kundërvajtjet nga paragrafi 21.1 të këtij neni, personi fizik i cili ushtron biznes individual dënohet me gjobë jo më pak se dyqind (200) euro dhe jo më shumë se pesëmijë (5.000) euro. 21.3. Për shkelje të përsëritura, përveç dënimit me gjobë, kundërvajtësit i merret licenca GAZETA ZYRTARE E REPUBLIKËS SË KOSOVËS / Nr. 26 / 24 GUSHT 2022, PRISHTINË 6 LIGJI NR.08/L-085 PËR NDRYSHIMIN DHE PLOTËSIMIN E LIGJIT NR.2004/13 PËR MATERIALIN FIDANOR dhe hiqet nga regjistri i personave të regjistruar për prodhimin dhe tregtimin e materialit fidanor.

Neni 3 Shqiptimi i sanksioneve kundërvajtëse me gjobë të përcaktuara në këtë ligj bëhet në përputhje me legjislacionin përkatës në fuqi për kundërvajtjet.

Neni 4 Hyrja në fuqi Ky ligj hyn në fuqi pesëmbëdhjetë (15) ditë pas publikimit në Gazetën Zyrtare të Republikës së Kosovës. Ligji Nr.08/L-085 4 gusht 2022 Shpallur me dekretin Nr. DL-269/2022, datë 19.08.2022 nga Presidentja e Republikës së Kosovës Vjosa Osmani-Sadriu