LIGJI NR.08/L-093 PËR NDRYSHIMIN DHE PLOTËSIMIN E LIGJIT Nr. 03/L-042 I PRODUKTEVE PËR MBROJTJEN E BIMËVE

LIGJI NR.08/L-093 PËR NDRYSHIMIN DHE PLOTËSIMIN E LIGJIT Nr.03/L-042 I PRODUKTEVE PËR MBROJTJEN E BIMËVE 16 GAZETA ZYRTARE E REPUBLIKËS SË KOSOVËS Nr. 27 / 25 GUSHT 2022, PRISHTINË LIGJI NR.08/L-093 PËR NDRYSHIMIN DHE PLOTËSIMIN E LIGJIT Nr.03/L-042 I PRODUKTEVE PËR MBROJTJEN E BIMËVE Kuvendi i Republikës së Kosovës, Në mbështetje të Nenit 65 (1) të Kushtetutës së Republikës së Kosovës, Miraton: LIGJ PËR NDRYSHIMIN DHE PLOTËSIMIN E LIGJIT Nr.03/L-042 I PRODUKTEVE PËR MBROJTJEN E BIMËVE

Neni 1 Qëllimi Qëllimi i këtij ligji është ndryshimi dhe plotësimi i Ligjit Nr.03/L-042 i Produkteve për Mbrojtjen e Bimëve dhe harmonizimi i tij me Ligjin për Sistemin e Lejeve dhe Licencave dhe me Ligjin për Kundërvajtje.

Neni 2

Neni 5 i ligjit bazik ndryshohet dhe plotësohet si në vijim:

Neni 5 Leja për Personat përgjegjës për Barnatore Bujqësore 1. Personat fizik dhe juridik të cilët dëshirojnë të vendosin në treg PMB duhet të plotësojnë kushtet e veçanta për objektet, lokalet, pajisjet dhe personelin, duke përcaktuar edhe numrin e regjistrimit për hyrje në regjistrin e subjekteve që mund t’i vendosin ne treg PMB. 2. Personi përgjegjës për punë me PMB dhe vendosjen në treg të tyre dhe për njoftimin, dhënien e këshillave, mbajtjen e shënimeve dhe shitjen e PMB-ve duhet të marr Lejen për person përgjegjes në barnatore bujqësore nga Ministria. 3. Ministria e mban dhe e përditëson Regjistrin e personave përgjegjës për barnatore bujqësore. 4. Ministria me akt nënligjor e rregullon çështjen e përcaktimit të kushteve që duhet plotësuar sa i përket pajisjes me Leje për persona përgjegjës për barnatore bujqësore, kushteve te veçanta për objekte, lokale dhe pajisjeve për vendosjen në treg të PMB.

Neni 3

Neni 55 i ligjit bazik ndryshohet dhe plotësohet si në vijim:

Neni 55 Dispozitat ndëshkuese 1. Me gjobë jo më pak se pesëqind (500) euro dhe jo më shumë se njëzetmijë (20.000) euro dënohet për kundërvajtje personi juridik nëse: 1.1. vendos në treg PMB të pa autorizuara nga Ministria në kundërshtim me nenin 3, paragrafi 1 të ligjit bazik; 17 LIGJI NR.08/L-093 PËR NDRYSHIMIN DHE PLOTËSIMIN E LIGJIT Nr.03/L-042 I PRODUKTEVE PËR MBROJTJEN E BIMËVE GAZETA ZYRTARE E REPUBLIKËS SË KOSOVËS Nr. 27 / 25 GUSHT 2022, PRISHTINË 1.2. vendos në treg PMB me afat të skaduar në kundërshtim me nenin 4, paragrafi 3 të ligjit bazik; 1.3. vepron në kundërshtim me nenin 5, paragrafët 1 dhe 2 të ligjit bazik; 1.4. nuk mbanë shënime sipas nenit 6, paragrafët 1, 2 dhe 3 të ligjit bazik; 1.5. vendos në treg PMB të klasifikuara në grupin e helmeve të rrezikshme T+ pa autorizim të Ministrisë sipas nenit 11, paragrafi 1 të ligjit bazik; 1.6. nuk informon për efektet me rrezik potencial që shkaktojnë PMB sipas nenit 28, paragrafi 1 të ligjit bazik; 1.7. përdor PMB për qëllime hulumtimi pa lejen paraprake të Ministrisë, sipas nenit 32, paragrafët 1 dhe 3 të ligjit bazik; 1.8. vendos në treg PMB në kundërshtim me nenin 35, paragrafët 1 dhe 6 të ligjit bazik; 1.9. vepron në kundërshtim me nenin 42, paragrafi 3 të ligjit bazik; 1.10. përdor pajisjet për aplikimin e PMB pa shenjën dhe vulën e inspektimit të rregullt sipas nenit 44, paragrafët 1 dhe 2 të ligjit bazik; 1.11. pengon në punën e inspektimit sipas nenit 51, paragrafi 1, nënparagrafët 1.9., 1.10 dhe 1.12 të ligjit bazik. 2. Për kundërvajtjet nga paragrafi 1 i këtij neni, personi fizik dhe personi përgjegjës i personit juridik dënohet me gjobë jo më pak se tridhjetë (30) euro dhe jo më shumë se dymijë (2.000) euro. 3. Për kundërvajtjet nga paragrafi 1 i këtij neni, personi fizik që ushtron biznes individual dënohet me gjobë jo më pak se dyqind (200) euro dhe jo më shumë se pesëmijë (5.000) euro.

Neni 4 Shqiptimi i sanksioneve kundërvajtëse me gjobë të përcaktuara në këtë ligj bëhet në përputhje me legjislacionin përkatës në fuqi për kundërvajtjet.

Neni 5 Hyrja në fuqi Ky ligj hyn në fuqi pesëmbëdhjetë (15) ditë pas publikimit në Gazetën Zyrtare të Republikës së Kosovës Ligji nr.08/L-093 4 gusht 2022 Shpallur me dekretin Nr. DL-279/2022, datë 19.08.2022 nga Presidentja e Republikës së Kosovës Vjosa Osmani-Sadriu