LIGJI NR.08/L-094 PËR NDRYSHIMIN DHE PLOTËSIMIN E LIGJIT Nr. 02/L-9 PËR UJITJEN E TOKAVE BUJQËSORE

GAZETA ZYRTARE E REPUBLIKËS SË KOSOVËS / Nr. 26 / 24 GUSHT 2022, PRISHTINË 3 LIGJI NR.08/L-094 PËR NDRYSHIMIN DHE PLOTËSIMIN E LIGJIT NR.02/L-9 PËR UJITJEN E TOKAVE BUJQËSORE LIGJI NR.08/L-094 PËR NDRYSHIMIN DHE PLOTËSIMIN E LIGJIT Nr.02/L-9 PËR UJITJEN E TOKAVE BUJQËSORE Kuvendi i Republikës së Kosovës, Në mbështetje të Nenit 65 (1) të Kushtetutës së Republikës së Kosovës, Miraton: LIGJ PËR NDRYSHIMIN DHE PLOTËSIMIN E LIGJIT Nr.02/L-9 PËR UJITJEN E TOKAVE BUJQËSORE

Neni 1 Qëllimi Qëllimi i këtij ligji është ndryshimi dhe plotësimi i Ligjit Nr.02/L-9 për Ujitjen e Tokave Bujqësore dhe harmonizimi i tij me Ligjin për Kundërvajtje.

Neni 2 Kapitulli XIV dhe neni 36 i ligjit bazik ndryshohet dhe plotësohet si në vijim: XIV. DISPOZITAT NDËSHKIMORE

Neni 36 36.1. Me gjobë jo më pak se pesëqind (500) euro dhe jo më shumë se dhjetëmijë (10.000) euro dënohet për kundërvajtje personi juridik nëse: a) dëmton sistemin e ujitjes apo infrastrukturën e tij; b) dëmton pjesën tjetër të tokës si pasojë shfrytëzimit të pakujdesshëm të ujit; c) ndërton çfarëdo objekti mbi sistemet e ujitjes; d) në mënyrë ilegale dhe të pa autorizuar kyçet dhe e shfrytëzon sistemin e ujitjes; e) nuk i mban të dhënat sipas nenit 33, paragrafi 2 të ligjit bazik; f) nuk iu përmbahet rregullave sipas nenit 35 të ligjit bazik. 36.2. Për kundërvajtjet nga paragrafi 36.1 të këtij neni, personi fizik dhe personi përgjegjës i personit juridik dënohet me gjobë jo më pak se treqind (300) euro dhe jo më shumë se njëmijë (1.000) euro. 36.3. Për kundërvajtjet nga paragrafi 36.1 të këtij neni, personi fizik që ushtron biznes individual dënohet me gjobë jo më pak se pesëqind (500) euro dhe jo më shumë se tremijë (3.000) euro. 36.4. Personat të cilët me veprimet e tyre i dëmtojnë objektet e sistemeve për ujitje, në pronësi të kompanisë, federatës apo shoqatës, përveç pagesës së dënimit me gjobë, GAZETA ZYRTARE E REPUBLIKËS SË KOSOVËS / Nr. 26 / 24 GUSHT 2022, PRISHTINË 4 LIGJI NR.08/L-094 PËR NDRYSHIMIN DHE PLOTËSIMIN E LIGJIT NR.02/L-9 PËR UJITJEN E TOKAVE BUJQËSORE janë të obliguar që t’ua kompensojnë dëmin e shkaktuar dhe tokën ta kthejnë në gjendjen e mëparshme.

Neni 3 Shqiptimi i sanksioneve kundërvajtëse me gjobë të përcaktuara në këtë ligj bëhet në përputhje me legjislacionin përkatës në fuqi për kundërvajtjet.

Neni 4 Hyrja në fuqi Ky ligj hyn në fuqi pesëmbëdhjetë (15) ditë pas publikimit në Gazetën Zyrtare të Republikës së Kosovës. Ligji nr.08/L-094 4 gusht 2022 Shpallur me dekretin Nr. DL-268/2022, datë 19.08.2022 nga Presidentja e Republikës së Kosovës Vjosa Osmani-Sadriu