LIGJI NR.08/L-095 PËR NDRYSHIMIN DHE PLOTËSIMIN E LIGJIT Nr. 2003/9 PËR KOOPERATIVAT E BUJQËVE

GAZETA ZYRTARE E REPUBLIKËS SË KOSOVËS / Nr. 26 / 24 GUSHT 2022, PRISHTINË LIGJI NR.08/L-095 PËR NDRYSHIMIN DHE PLOTËSIMIN E LIGJIT NR.2003/9 PËR KOOPERATIVAT E BUJQËVE 15 LIGJI NR.08/L-095 PËR NDRYSHIMIN DHE PLOTËSIMIN E LIGJIT Nr.2003/9 PËR KOOPERATIVAT E BUJQËVE Kuvendi i Republikës së Kosovës, Në mbështetje të Nenit 65 (1) të Kushtetutës së Republikës së Kosovës, Miraton: LIGJ PËR NDRYSHIMIN DHE PLOTËSIMIN E LIGJIT Nr.2003/9 PËR KOOPERATIVAT E BUJQËVE

Neni 1 Qëllimi Qëllimi i këtij ligji është ndryshimi dhe plotësimi i Ligjit Nr.2003/9 për Kooperativat e Bujqëve dhe harmonizimi i tij me Ligjin për Kundërvajtje.

Neni 2

Neni 21 i ligjit bazik ndryshohet dhe plotësohet si në vijim:

Neni 21 Sanksioni kundërvajtës me gjobë 21.1. Me gjobë jo më pak se njëmijë (1.000) euro dhe jo më shumë se dhjetëmijë (10.000) euro dënohet për kundërvajtje personi juridik, nëse: a). në titullin e firmës shfrytëzon emrin e kooperativës ndërsa nuk është e regjistruar në pajtim me nenin 2 të ligjit bazik; b). nuk i plotëson kushtet për themelim në pajtim me nenin 4 të ligjit bazik; c). anëtari i kooperativës bën aktivitetet e tij në kundërshtim me nenin 7, paragrafi 7.2, pika a) të ligjit bazik; d). nuk mban regjistrin e anëtarëve të kooperativës në pajtim me nenin 7, paragrafi 7.4 të ligjit bazik; e). kooperativa themelohet dhe ekziston pa kapital në kundërshtim me nenin 8 të ligjit bazik; f). bashkimet dhe ndarjet e kooperativave të bujqëve bëhen në kundërshtim me nenin 18, paragrafi 18.4 të ligjit bazik. 21.2. Për kundërvajtjet nga paragrafi 21.1 të këtij neni, personi fizik dhe personi përgjegjës i personit juridik dënohet me gjobë jo më pak se treqind (300) euro dhe jo më shumë se njëmijë (1.000) euro. 21.3. Për kundërvajtjet nga paragrafi 21.1 të këtij neni, personi fizik që ushtron biznes individual dënohet me gjobë jo më pak se pesëqind (500) euro dhe jo më shumë se dymijë (2.000) euro. GAZETA ZYRTARE E REPUBLIKËS SË KOSOVËS / Nr. 26 / 24 GUSHT 2022, PRISHTINË LIGJI NR.08/L-095 PËR NDRYSHIMIN DHE PLOTËSIMIN E LIGJIT NR.2003/9 PËR KOOPERATIVAT E BUJQËVE 16

Neni 3 Shqiptimi i sanksioneve kundërvajtëse me gjobë të përcaktuara në këtë ligj bëhet në përputhje me legjislacionin përkatës në fuqi për kundërvajtjet.

Neni 4 Hyrja në fuqi Ky ligj hyn në fuqi pesëmbëdhjetë (15) ditë pas publikimit në Gazetën Zyrtare të Republikës së Kosovës. Ligji nr.08/L-095 4 gusht 2022 Shpallur me dekretin Nr. DL-273/2022, datë 19.08.2022 nga Presidentja e Republikës së Kosovës Vjosa Osmani-Sadriu