RREGULLORE (QRK) NR.16/2017 PËR NDRYSHIMIN DHE PLOTËSIMIN E RREGULLORES NR. 02/2011 PËR FUSHAT E PËRGJEGJËSISË ADMINISTRATIVE TË ZYRËS SË KRYEMINISTRIT DHE MINISTRIVE E NDRYSHUAR E PLOTËSUAR ME RREGULLOREN NR. 07/2011 DHE RREGULLOREN NR. 14/2017

GAZETA ZYRTARE E REPUBLIKËS SË KOSOVËS / Nr. 29 / 23 NËNTOR 2017, PRISHTINË 1 RREGULLORE (QRK) Nr.16/2017 PËR NDRYSHIMIN DHE PLOTËSIMIN E RREGULLORES Nr. 02/2011 PËR FUSHAT E PËRGJEGJËSISË ADMINISTRATIVE TË ZYRËS SË KRYEMINISTRIT DHE MINISTRIVE E NDRYSHUAR E PLOTËSUAR ME RREGULLOREN Nr. 07/2011 DHE RREGULLOREN Nr. 14/2017 Qeveria e Republikës së Kosovës Në mbështetje të nenit 93 (4) të Kushtetutës së Republikës së Kosovës, duke marrë parasysh nenin 4 të Rregullores nr. 02/2011 për fushat e përgjegjësisë administrative të Zyrës së Kryeministrit dhe Ministrive (22.03.2011), (Gazeta Zyrtare e Republikës së Kosovës /nr. 1 / 18 prill 2011, Prishtinë) si dhe Ndryshimin dhe plotësimin e Rregullores Nr. 07/2011 për Ndryshimin dhe Plotësimin e Rregullores Nr. 02/2011 për Fushat e Përgjegjësisë Administrative të Zyrës së Kryeministrit dhe Ministrive, Rregulloren nr.14/2017 dhe Rregulloren nr.15/2017. Në pajtim me nenin 19 (6.2) të Rregullores së Punës së Qeverisë Nr. 09/2011, Bazuar në Vendimin e Kuvendit të Republikës së Kosovës nr.06 -005, të datës 09.09.2017 për zgjedhjen e Kryeministrit, zëvendëskryeministrave dhe ministrave te Qeverisë së Republikës së Kosovës; Miraton: RREGULLORE (QRK) NR.16/2017 PËR NDRYSHIMIN DHE PLOTËSIMIN E RREGULLORES NR. 02/2011 PËR FUSHAT E PËRGJEGJËSISË ADMINISTRATIVE TË ZYRËS SË KRYEMINISTRIT DHE MINISTRIVE E NDRYSHUAR E PLOTËSUAR ME RREGULLOREN NR. 07/2011 DHE RREGULLOREN NR. 14/2017

Neni 1 Qëllimi Kjo Rregullore ka për qëllim ndryshimin dhe plotësimin e Rregullores Nr. 02/2011 për Fushat e Përgjegjësisë Administrative të Zyrës së Kryeministrit dhe Ministrive e Ndryshuar dhe e Plotësuar me Rregulloren Nr. 07/2011, Rregulloren 14/2017 dhe Rregulloren 15/2017 (në tekstin e mëtejmë Rregullorja).

Neni 2 Shtojca 19 e Rregullores riformulohet si në vijim: Ministria e Diasporës dhe Investimeve Strategjike ka këto kompetenca: i. harton politikat dhe legjislacionin nga fusha e përgjegjësisë së saj; ii. harton dhe zbaton projektet që lidhen me diasporën dhe investimet strategjike nga diaspora; iii. në bashkëpunim me Ministrinë e Financave dhe në përputhje me kornizën ligjore në fuqi propozon dhe administron buxhetin e Ministrisë së Diasporës dhe Investimeve Strategjike; iv. ndihmon në promovimin, ruajtjen, kultivimin e identitetit kulturor, gjuhësor, dhe arsimor të pjesëtarëve të diasporës, si dhe zbaton dhe mbikëqyrë zbatimin e tyre; v. në bashkëpunim me institucionet tjera përkatëse mban dhe përditëson Regjistrin e Pjesëtarëve të Diasporës; vi. harton, zbaton dhe koordinon studime, hulumtime, programe të fushës së diasporës dhe investimeve strategjike të saj; vii. shërben si urë lidhëse dhe komunikuese për pjesëtarët e diasporës me institucionet e Republikës së Kosovës duke nxitur, promovuar dhe koordinuar investimet në vend; viii. zbaton programet arsimore për pjesëtarët e diasporës të hartuara nga Ministria GAZETA ZYRTARE E REPUBLIKËS SË KOSOVËS / Nr. 29 / 23 NËNTOR 2017, PRISHTINË 2 RREGULLORE (QRK) Nr.16/2017 PËR NDRYSHIMIN DHE PLOTËSIMIN E RREGULLORES Nr. 02/2011 PËR FUSHAT E PËRGJEGJËSISË ADMINISTRATIVE TË ZYRËS SË KRYEMINISTRIT DHE MINISTRIVE E NDRYSHUAR E PLOTËSUAR ME RREGULLOREN Nr. 07/2011 DHE RREGULLOREN Nr. 14/2017 përgjegjëse për arsim; ix. zbaton politikat në sferën e kulturës për pjesëtarët e diasporës; x. ofron informata, koordinon dhe përkrah investimet në Kosovë të pjesëtarëve të diasporës; xi. themelon dhe mbikëqyrë Qendrat Kulturore të Kosovës për Diasporën dhe në bashkëpunim me ato përgatitë raporte për Qeverinë për gjendjen e Diasporës; xii. përgatit, koordinon dhe mbikëqyrë zbatimin e Strategjisë për Diasporës; xiii. ndihmon në krijimin e lidhjeve / rrjeteve të bashkëpunimit të diasporës në fushat ekonomike, shkencore, kulturore, sportive, bashkëpunimit juridik, shëndetësisë, teknologjive të reja dhe fushat e tjera ndërmjet pjestarëve të diasporës dhe Republikës së Kosovës; xiv. bashkëpunon dhe koordinon aktivitetet me institucionet tjera shtetërore, komunale, shoqërinë civile dhe organizatat e shoqatat brenda dhe jashtë Kosovës për përmirësimin e pozitës së Diasporës; xv. me miratimin e Qeverisë së Republikës së Kosovës, bashkëpunon dhe koordinon aktivitetet me institucionet e shteteve tjera për përmirësimin e pozitës së pjesëtarëve të Diasporës. xvi. në koordinim me Agjencinë për Investime dhe Përkrahjen e Ndërmarrjeve në Kosovë, promovon mundësitë e investimeve strategjike në Kosovë; xvii. është pjesë përbërëse e Komisionit Ndërministror për Investime Strategjike për vlerësimin, përzgjedhjen dhe realizimin e Projekteve për Investime Strategjike; xviii. është pjesë përbërse e grupit operacional për përgatitjen dhe zbatimin e projekteve mbi Investimet Strategjike.

Neni 3 Nenit 18, pas nën paragrafit 1.20 shtohet nën paragrafi i ri 1.21 në vijim: 1.21. Ministria e Zhvillimit Rajonal (MZHR).

Neni 4 Pas Shtojcës 20 shtohet shtojca 21, si në vijim: Shtojca 21 Ministria e Zhvillimit Rajonal 1. Ministria e Zhvillimit Rajonal ka këto kompetenca: i. harton dhe ndjek politika dhe programe për fushën e zhvillimit rajonal; ii. në bashkëpunim me Ministrinë e Punëve të Jashtme dhe ministritë e linjës zhvillon dhe merr pjesë në nismat rajonale për sa i përket zhvillimit socio-ekonomik rajonal të balancuar; GAZETA ZYRTARE E REPUBLIKËS SË KOSOVËS / Nr. 29 / 23 NËNTOR 2017, PRISHTINË 3 RREGULLORE (QRK) Nr.16/2017 PËR NDRYSHIMIN DHE PLOTËSIMIN E RREGULLORES Nr. 02/2011 PËR FUSHAT E PËRGJEGJËSISË ADMINISTRATIVE TË ZYRËS SË KRYEMINISTRIT DHE MINISTRIVE E NDRYSHUAR E PLOTËSUAR ME RREGULLOREN Nr. 07/2011 DHE RREGULLOREN Nr. 14/2017 iii. në bashkëpunim me Ministrinë e Financave dhe në përputhje me kornizën ligjore në fuqi propozon dhe administron buxhetin e Ministrisë së Zhvillimit Rajonal; iv. planifikon dhe zhvillon treguesit për monitorimin e zhvillimit socio-ekonomik të balancuar rajonal; v. koordinon aktivitetet në përkrahje të zhvillimit socio-ekonomik rajonal të balancuar dhe regjenerimit të vendeve të reja të punës; vi. në bashkëpunim me Ministrinë e Integrimit Evropian dhe Ministrinë e Financave, dhe në përputhje me kornizën ligjore në fuqi merr pjesë në administrimin e ndihmës së huaj financiare, në fushën e zhvillimit rajonal; vii. zhvillon dhe menaxhon projekte për të ofruar zhvillim socio-ekonomik rajonal të balancuar në gjithë territorin e Republikës së Kosovës, si dhe bën promovimin e tyre; viii. koordinohet me Ministrinë e Tregtisë dhe Industrisë dhe institucionet e tjera për zhvillimin e zonave ekonomike me qëllim të zhvillimit socio-ekonomik rajonal të balancuar; ix. Përgatit analiza lidhur me zhvillimin socio-ekonomik rajonal të balancuar; x. Harton raporte vjetore për Qeverinë lidhur me programet dhe iniciativat e zhvillimit rajonal. 2. Fushëveprimi i kësaj ministrie nënkupton zhvillimin socio-ekonomik rajonal të balancuar në pajtim me kushtetutën dhe legjislacionin në fuqi dhe në asnjë rrethanë nuk nënkupton ndonjë organizim të ri administrativ apo territorial.

Neni 5 Shfuqizimi Me hyrjen në fuqi të kësaj Rregullore shfuqizohet Rregullorja nr. 07/2011 për fushat e përgjegjësisë administrative të Zyrës së Kryeministrit dhe Ministrive.

Neni 6 Hyrja në fuqi Kjo rregullore hyn në fuqi shtatë (7) ditë pas nënshkrimit nga ana e Kryeministrit dhe botohet në Gazetën Zyrtare. Ramush HARADINAJ ____________________ Kryeministër i Republikës së Kosovës 15 nëntor 2017 Rregullore (QRK) Nr.16/2017 për ndryshimin dhe plotësimin e Rregullores Nr. 02/2011 për fushat e përgjegjësisë administrative të Zyrës së Kryeministrit dhe ministrive ndryshuar e plotësuar me Rregulloren Nr. 07/2011 dhe Rregulloren Nr. 14/2017, është miratuar në mbledhjen e 12 të Qeverisë së Kosovës, me Vendimin Nr.03/12, datë 03.11.2017.